كلمات اغنية أبو شامة احمد ال شملان 2021

6 سبتمبر، 2021
كلمات اغنية أبو شامة احمد ال شملان

كلمات اغنية أبو شامة احمد ال شملان

ياوجه السعد لي صاحب مختلف وياه

علومه علومٍ بعضها احفر وأدمه

وجودي وجودي ياوجودي على لقياه

وجود اليتيم اللي مفارق حنان أمه

إلى سمع طاريها تلفت وزاد بكاه

ويمش الدموع اللي تهامل طرف كمه

على صاحبٍ ماقد حصل منه ماكفاه

يسوي سواياه الفضيعه ولاهمه

ياكم قد له أيامٍ يواعد وانا اتحراه

ولا جاء بميعاده ولا ارتحت من همه

ثلاث أشهرٍ كان العهد به وذاك اتلاه

وداب الهجر قتّال لأمن جرى سمه

وأنا أعز نفسي ماني برايح اترجاه

ابا أصبر يجوز ان عاد في ذمته ذمه

وأنا له وليفٍ ماني بواحد من اعداه

مهو حق يمنع ضاميٍ يارد الجمه

اداحم بجنبٍ هده الهم لين اعياه

وأسوق القدم بالحزم والعزم وألهمه

وأهوجس ويطري بيت شعرٍ يحب غناه

أهمه يقول الصدق ولا ولد عمه

وجودي يبو سالم على شوفه ولاماه

ابو شامةٍ كنها دليل ٍ على فمه

عطاه الله عيونٍ ووجهٍ ضوى غدراه

وجسم ٍ تضاريس الزمن فيه ملتمه

انا اشم عطره ماتعطر ولا يبغاه

كذا خلقته عطرٍ وانا لحالي اشمه

على خدوده ورود ولون الكرز بشفاه

وانا لا وصفته والله إن كني اذمه

هذا موت عشّاقه وموتٍ لمن يهواه

وصدرٍ تولع فيه بيموت ماضمه

عطاني وعد ثم فات وعده ولا وفّاه

وانا قلت تم وجيت ماجا على تمه

يبو سالم العلم الحقيقي إلى تبغاه

مهو من عربنا لي بغيت اتجه يمه

مهو من مواليد الجزيره ولا مرباه

ولا أظن بإنه ينتمي للعرب دمه

مايشرب حليب البل ولا من حليب الشاه

عيون النداوي إللي مقره على القمه

أنا أصد عنه واتركه وابتعد وانساه

أنا خايفٍ تأتي العواقيب بمطمه

أنا خايفٍ تأتي العواقيب بمطمه

أنا أصد عنه واتركه وابتعد وانساه

أنا خايفٍ تأتي العواقيب بمطمه

كلمات اغنية أبو شامة احمد ال شملان

كلمات اغنية الايام عاديه احمد ال شملان 2021

الكلمات المفتاحية

أحدث كلمات الأغاني

23 سبتمبر، 2021

كلمات اغنية موس سلايفر 2021

دخول
22 سبتمبر، 2021

كلمات اغنية رقم 1 حازم الصدير 2021

دخول
22 سبتمبر، 2021

كلمات مهرجان انا اتشاف من بعيد تندمو احمد موزه 2021

دخول
22 سبتمبر، 2021

كلمات اغنية عز يا بلادي عبدالعزيز المعني 2021

دخول