أنا لبناني

كلمات اغنية أنا لبناني نادر الأتات

هوني كان بيتنا هوني انهد حيطنا
هوني كانت الدكانة اللي منها اشتري
تياب البابا والماما
سرير إختي وحراما
كسروا العتبة ورخاما
الله ع المفتري

وأنا أنا لبناني وعينيّي شبعانة
كرامة وعزّة وبطولة
سبحان الْ عطاني
لبنانيّي وقفنا
والكون بيعرفنا
لو مهما اختلفنا
كل واحد قلبو عالتاني

دخلِك يا أرزة اضحكي
ما بيلبق إلنا البكي
بإيدِك بيروت امسكي
صوب شطوط الأمان
نقفّل عالحرب ب قفِل
شب وختيارة وطفل
نرجع نبني ونحتفل
ونغنّي ل لبنان
ونغنّي ل لبنان

أنا لبناني وعينيّي شبعانة
سلام وسحر وجمال وإبداع وأغاني
حروف الأبجدية حفرتن بإيديّي
لكل البشرية وصلتن من الله أمانة

أنا لبناني وعينيّي شبعانة
كرامة وعزّة وبطولة
سبحان الْ عطاني
لبنانيّي وقفنا
والكون بيعرفنا
لو مهما اختلفنا
كل واحد قلبو عالتاني