كلمات اغنية اخر لقاء دحام الضحيك
ي بنت لا ينشغل بالك ولا تقلقين
مهما يكون الفراق ايام والا شهر
اصبر واداري ظروفك ي عساها تزين
وانكان ما زانت ظروفك ما فيني صبر
مليت من وضعي الحالي متى ترجعين
شوقي ما يطفيه غيم ولا سحابة مطر
انا اللي يشتاق لك و انتي معه تذكرين
وشلون ما اشتاق لك لامن فَرقنا القدر
هذا هو اللي يعذّرني فلا تشرهين
ما دامني من بعدك اذوق غبن وقهر
لا تتركيني اعاني بعد ذيك السنين
اللي معك ما يوصفها مقام وشعر
من زينك احس مالك فالحياه اربعين
اشباه ما يشبهك فالكون غير القمر
ي زين غمازتينك من يسار ويمين
والشامه الثابته من تحت ذاك الثغر
سبحان من صورك واعطاك فالزين زين
طلتك فيها البراءه والحيا والكبر
طيوفك تزورني ما بين لحظه وحين
واسامر الذكريات ب دمعتين وكسر
اخر لقاء يجبر الخاطر وقلب الحزين
بدون سابق وعد ولا وصلني خبر
صدفه تناظر وانا اناظر وكلي حنين
ولهفه وشوق ومحبه والغلا ادهى وامر
اخيه من نظرة العاشق ورجف اليدين
والخافق اللي شرا لك من حياته عمر
وصيتي من قبل ي منيتي ترحلين
انا على خبرك ان طال الزمن او قصر
قلبي وروحي معك وارجوك لا تخذلين
حبيبك اللي على نفس الوعد منتظر