كلمات اغنية اخ السهم مصطفى السوداني
اخ السهم اخ العمد ما خلن بوجهك كتر سالم ابد
حتى الرمح من تنذبح ما يكدر ايثبت عليه راسك بعد
يمكسر اصفاحي يمطلع اصياحي
خويه وكعت گلبي بوكعتك خويه
مكسور اشبه جربتك خويه
يمخلي دمعي والنهر يجري احمر
يالركضتني اكثر من الاكبر
عباس جم عباس صاير جسمك
كتلي اجيب الماي مو اتوذر
اكعد الي بداعة علي
الوادم تباوع من طحت طيحة ابو
صاحو سوه مال اللوه
ركضو نذبحه ما بقه عنده اخو
يخزرني ذباحي يمطلع اصياحي
خويه بالكوه واكف لا طحت خويه
بح صوتي وشكد صيّحت خويه
بوجهك اباوع جبتهك مفطوره
براسك شصاير خوذتك مكسوره
لو ما هدومك ما عرفتك عباس
معذوره والله دمعتي معذوره
اصرخ اخي اه يا اخي
لا يا اخي بعيونك شسوه السهم
لمن شفت نبله اعرفت
عينك طفت معناهه ما تطفي الخيم
شمكسر اسلاحي يمطلع اصياحي
خويه زينب تتاني جيتك خويه
اتطيحهه طيحة خيمتك خويه
شنهي يخي رايد تضل لوحدك
ولتكول چفي مدلي حت لو زندك
رايد اكابل زينب وابجي عليك
لحد ما دمعتي تطيح خويه بخدك
لطم الزلم بس عالزلم
الان انكسر ظهري وشمت بيه العدو
انه ضعت انه رحت
يلزملي بيده رايتي غيرك منو
تستاهل انياحي يمطلع اصياحي
خويه بس راح ارد من النهر خويه
يركض على وجهي الحجر خويه
عباس المثلث طلع من ظهري
والخيل عثرت من سحكهه بصدري
شلت ايدي باخر نفس واصرخ عباس
ترضاهه اختي تشوف كطعة نحري
واهنا اجه وكت الذبح
وكلت التقي اوياك بسبي فوك الرمح
واتذكرت بوجهك شفت
طبره اعله طبره والجرح فوك الجرح
متكسر اجناحي
يمطلع اصياحي
خويه خلص الطف بروحتك خويه
وخلصت اخيامي بطيحتك خويه
من الله لا يطي العمود شسوه
خلاني اكولن هو لو مو هوه
بالشام وانه بطشت راح انظرلك
صح راس بس عليك ابقه اتلوه
وانه بگبر هم انكسر
كلما يجي سابع محرم كل سنه
اذكر الم فكد العلم
وشلون الك يم النهر ظهري انحنه
يمزيد اجراحي يمطلع اصياحي
خويه كبرك اكبالي يلتفت خويه
تحرسني لو ميت جنت خويه
حتى الهوه يمر اعله صحنك قبلي
جا للبشر من الوفه شمخلي
حتى اليجيك بحاجته ياعباس
ما تكضي حاجه الا خويه تكلي
تضوي كمر يم النهر
بعدك لهسه بكربلا تروي البشر
منك كفو نعم الاخو
لا اجه ولا مثلك يجي بطول الدهر
باب الله مفتاحي يمطلع اصياحي
كلمات اغنية العزيزة حميدة مصطفى السوداني