كلمات اغنية اشوف وشك بخير زياد الدساس
بـ اختصار ربك بيحبك فـ ابتلاك
بـ واحده كانت معاك بس قلبها مش معاك
كانت ابليسه من جهنم و انت لسا فاكرها ملاك
كل يوم في دوامات و دماغي تجيب كذا فلاش باك
محدش حس بيك عشان محدش كان مكانك
ضحيت كتير عشانها و ضحت بيك مش عشانك
موضحتش حاجه و سابتك لـ دماغك
قوللي فيه ايه او*سخ من ان يعايروك بـ ان حبيبك خانك
خلصت على بلوكات و معيشناش في تبات و نبات
مرتاحتش ولا يوم ده انا كل يوم بـ وجع قلبي ببات
مش عارف اهرب من اللي فات
حزني اللي مهمكيش دلوقتي بقى يجيب ألوفات
قلبي اتغبر و معادش فاضل حاجه تصبر
كنتي زي تيشرت بحبه في اول غسلة وبر
الدنيا في احلامي بتهبر و انا لسّاني صغير
بتفرج على نفس الفيلم و استنى النهايه تتغير
اشوف وشك بخير و اتمنى تبقى كده مرضيه
بتنامي مرتاحه لما موتيني و عيشتي فيا
الناس معادن صح بس انتي طلعتي مصديه
و انا اتكتبلي اعيش بـ زعلي و اعشم قلبي بـ شئ مش ليا
اشوف وشك بخير و اتمنى تبقي كده مرتاحه
ياللي انتي قتلتي قلبي و جيتي تعزّي بكل بجاحه
مش هقدر اخبي حاجه ما خلاص بانت كل حاجه
كنت فاكرك ليا و بس بس طلعتي لـ كله مُتاحه
تدري انا كنت بجري وراكي مهما تجري
كنت بطمنك بالرغم ان فيا نار بتغلي
كنتي زي الدم في الوريد بيسري
كنتي تاج على راسي و دلوقتي متسويش شبشب في رجلي
انا محبيتش حد قدك ولا كرهت حد قدك
مش هنرجع مهما عينك تدمع مهما الجفن يندّي
لو حتى البُعد هدّك مش هتلاقي كتفي ساندك
سيبتي و كده ارتاحتي و الداهيه اللي تجيب تودّي
خربانه خربانه متستنيش رضايا
ياللي انتي سيبتي ايديا بكرة تيجي تحفي ورايا
انا بيعت و استبيعت و ده انتصار حزين للغاية
مش هحن ولا هرن ولا هبص تاني ورايا
الوم على مين و اغلط مين محدش غيري انا الغلطان
عشان حبيت في واحده خلتني اشكي للحيطان
عشان كنت بجض اكتر وقت ما اروحلها و انا جضان
انا الغلطان حقيقي بجد انا الغلطان
اشوف وشك بخير و هي دي النهايه
انا كنت عارف من البدايه مش هتفضلي معايا
مش هقدر استحمل و اكمل تاني خلاص كفايه
و اي حاجه ليكي في قلبي هحاول اشيلها من جوايا
اشوف وشك بخير ياللي جرحك سايب اثر
خرجتي من زحمة حياتي و شوفتي طريق مُختصر
للاسف اسفك مش هيصلح اي شئ اتكسر
و لو دي حرب انا بستسلم قلبك اللي انتصر
مش هزعل ولا هرجع اسأل ايه السبب
انا مبسوط عشان خسرتك انا راضي ان قلبي اتغلب
حُبك فستك قلبك فستك و انا كنت مساويكي بـ دهب
ياما شيلتك ياما سندتك و انتي كنتي في ضهري اتب
بتهدي فيا و ببني من حُبك ايه اللي نابني
غير اني كل يوم بقيت بحرق في صدري و دمي
مين بس اللي داملي الكل مشي و سابني
اللي كانت زمان سبب سعادتي بقت هي همي
الفرحه اتمحت ولا رجعت ولا لمحت
بيبانها اتقفلت في وشي و جروحي اتفتحت
وعدت و ما وفت عمرها ما بيا اكتفت
قولت مليش انا حد غيرها ببص جمبي لقيتها اختفت
بكرة هتتخمي في كل الناس اللي حواليكي
بكرة تعرفي ان محدش قدي كان بيخاف عليكي
بلاش تزعلي بلاش الدمعه تنزل من عينيكي
وعد مش هرجع ليكي لو روحي في ايديكي
اشوف وشك بخير مع الف سلامه يا قمري
ما تقولي بعدنا ليه مش قولتي هتبقي في ضهري
شوفي وصلتيني لـ فين ميت مستني قبري
مش هتبكي تاني العين خلاص انا قلبي تحت امري
اشوف وشك بخير ياللي فرحتي و انا حزين
اشوف وشك بخير و مش فارقه هشوفك مع مين
اشوف وشك بخير احنا على البُعد متفقين
مش هيرجعني الحنين انا كل مشاعري ميتين
كلمات اغنية انتوا مين زياد الدساس