الصعايدة كلمات
كلمات اغنية الصعايدة احمد شيبة
الأصول العالية أمرت
والصعيد وربايتو ثمرت
واللي على طبلية أبوه
لو ياكُلها بدقة جبرت
الله على الصعايدة الله
الرجولة والشهامة والله
في الصعيد الحكاية تبدأ
كلمة الراجل بمبدأ
عمره حق الناس ما ضاع
روح بنفسك شوف وصدق
كلمته سيف على الرقاب
مهما بيعجز شباب
انت بس تكون صعيدي
يتفتحلك ألف باب
الأصول يعني الصعايدة
مش مجاملة ومش مزايدة
وقفته في الشدة واجب
في المساندة وفي المعايدة
فى الكرم موصوفة دارو
في الغرام مشهور بنارو
دا معروف في كل البلاد
ب ناره و بسمارو
لما رُحنا المنيا بيتنا
كل بيت بالحي بيتنا
وفي سوهاج دبحوا الدبايح
قالوا كرم الضيف هيبتنا
وعدي على أسوان حبيبة
تلقى ناس مفهمش عيبة
وأما في الأقصر طيابة
التاريخ سماها طيبة
يللي رايح ابو طشت كلم
مركز العائلات يعلم
للأمانة لو فاكرني
عدّي على الهوارة سلّم
الفيوم على القلب عزيزة
مصنع الأخلاق يا جيزة
أسيوط تملّي في العلالي
وفي بني سويف ألف ميزة
مش حتلقى زيِّ دشنا
مهما شفنا ومهما عشنا
عمرهم ما يخونو صاحب
دولا جيش يضاف لجيشنا
وفي قنا الناس التقال
الدهب والخير تلال
الشرف طُرح الصبايا
والأدب عمم الرجال
يللي معرفتش صعيدي
فاتك الرجل الحديدي
ان قعد ينقلو حاضر
وان وقف ينقلو سيدي
كلمات اغنية هجوم فجائي احمد شيبه و عمر كمال
