كلمات اغنية المطر الوسمي
يالله بمزن ٍماطرن نستخيله
يهمي بجودٍ من سحايبه هتان
يبطي له ايام ايتراضف هميله
تلضي بروقه و مرعده يبات دنّان
يا لين تحيا به القفار المحيله
تعشب منابيته وتخضرّ الاغصان
و تبهج هماليله نفوسن عليله
تفرح ليود الغيـث و الجو لي زان
مع ربعة اللي له طبايع أصيله
محفوظ قدره دايم و مول ماهان
رافق لك اللي ما يمن بجِميله
وعند المواقف يتضح طبع الانسان
السامي اللي ما تبع كل ميله
وعلى يمينك تذخره لجـور الازمان
والا الردي جنّبه و احذر تجي له
لا صكّت الحلقة تراها ع الابطان
كم من سعادة في الامور القليلة
لكن شغلنا عنّها بعـــض الاحزان
ولا كل شخصٍ تستهم لرحيله
ترى الفراق لصالحك بعض الاحيان
والرزق بيد تعالى و كفيله
ماهو بيدّ فلان وفلان و فلان
يا ربي ياللي بالدعا نلتجي له
تغفر لنا الزلات يا عالي الشان
كلمات اغنية لاتعتذر الوسمي
