كلمات اغنية الواقع الجوكر
الواقع
سبت حروف الماضي تترتب جمل مستقبل
بعد أول لأ بدأت أستوعب إني هأقبل
أبقي واحد منهم مش هعرف أبقي غيرهم
إذا كان رسولنا نفسه ما إتفقش عليه تفكيرهم
يا إما أنعزل فأرجع إنسان ملتزم
مستني ملك الموت عشان أقابله وأنا مبتسم
لكن لأ هعيش الدنيا علي حساباتها
أحرم نفسي ليه من حياة ربنا خلقها
شوفت إزاي الحسبة رجحت قانون النسبة
لازم شخص يرجع لما شخص تاني يسبق
لازم كل جوكر يدبح كل أحمد موجود
دا نهج لأي حد ع الكوكب عايز يكون
مش ببيع كلمات دي قوانين حياة
إنهش عشان ما تبقاش عضمة فكرة في بق كلاب
إوعاك تفكر إني حابب وضع بشرحهولك
لكن دا أمر واقع أنا يا دوب بوصلهولك
كاره كوكبي ما عرفتش أنشر فيه مذهبي
فبقيت فحل في مذهبه أحسن ما أتوصف بالغبي
عيش قوي ومكروه مش ضعيف محبوب
كدة، كدة هيكرهوك لما خيط المصلحة يدوب
وساعتها لو لقوك ضعيف ضهرك مكسور
أكيد هينهشوك وسط الناس في عز النور
من أمتي عملوا حساب وقفة يوم الحساب
دا إخوات يوسف في قتله خلقوا لنفسهم أسباب
إرضي بقانون الغاب وإختارلك وش تعيش بيه
وإبعد عن اللي حبك لو مش حابب يوم تأذيه
أما اللي بينافسوك فتنسي يحترموك
هيفضلوا يحاربوك لحد يوم ما تموت
وساعتها مش هيقولوا الله يرحمه بذل مجهوده
في سبيل توصيل مفهومه يمكن يفيد جمهوره
إبعدهم عن طريقك وكمل المسيرة
دا الإبن البكر لآدم قتل أخوه بدافع الغيرة
دي حقيقة لو بتدور كلام أبوك مزور
أنسي إنك تمشي جنب الحيط عشان ما تجيش متعور
شوفت الحياة بلونين لون الشارع لون البيت
فعرفت إن الحقيقة مش شبه ما أنا أتربيت
شاء القدر بعد ما يعمي البصر مطرة تنحت حجر
فدابت القشرة ودا يكشفلك لب نفوس البشر
ما فيش بدون مقابل دا عبادة ربنا بمقابل
لولا الطمع في الجنة كانت الدنيا اصلاً باظت
ولولا جوانا الفطرة كانت الدنيا تخرب
دا إتزان بين نفخة روحه وبين رغبات نفوسنا الو*سخة
دا يوم ما مات الفار مشيت في عزاه القطط
مع إن دم الفار علي مخالبهم منه نقط
ويوم ما مات الأسد ما جاش حيوان العزا
عشان وقفتهم جنبه كانت مجرد خوف من الأذي
أو طمعاً في المصلحة أو لأياً كان
مستني ايه ما تقفل مافيش كلام يتقال
شطآني لا تخلو من أطلال مراكبكم
ديوانى لا يدنو لأفكار كوادركم
إذهبوا إن إستطعتم لجحيم منه جئتم
وأتركوني لن اداري سوئي منكم
كلمات اغنية ساعة التجلي الجوكر
