كلمات اغنية الوهم الكبير طارق الشيخ

انا الوهم الكبير
اللي انت دايما مصدقه
والصاحب الانتيم
اللي ف الهوا بتحرقه
مقضيها انت وبتروش
انا التوهان وانت الندمان
شايفني باعلي وبفرفش

شغلانتك تاخد وتناول
من بق ل بق
وانا شايفك شايل ومعبي
وعمال بتلوق
مسحبتش ليه نفسك مني
وهديت وارتحت
بس انت مصمم وواخدها
كده ردم وفحت

انا دايماعيني علي قرشك
وانا قرشي بقي ياكل قرشك
وانا وانت طايرين في الهوا
صحوبية لحد مابتمكن
وانا بالنسبالك ده مسكن
عليل ومحتاج الدوا

ودماغك بقى خليها تاكلك
فاكرني باحل مشاكلك
هو انت عاجبك كده شكلك
ده انت لبست ف حيط
من غيري بقي وشك بيكرمش
وماشي مخبط وملوش
ولاماسك قرش ولامحوش
ده انت طلعت عبيط

هتشوف اللي انت عمرك
يوم ماشوفته
وهتعرف قيمة كمان
اللي انا قولته
لو خدت كلامي وحللته
لونك مخطوف
لو جاتلك علي غفلة القاضية
هتموت م الخوف
مخدوع وكل يوم نفس الموضوع
وبتتمناني وبترضى تجوع
علي طول دخاني عامي عينك
ماتصحصح فوق
انا وهم كبيرانا الغلط
انا الممنوع