كلمات اغنية اني قريب عدي السفياني 2022

كلمات اغنية اني قريب عدي السفياني

ما حسن ظنك يا حسين الظن في الدنيا صواب
وان حسن ظنك صاب لا تفرح فما اظنك مصيب

لا تحسب ان الدهر با يسقيك من بحر السراب
ولا تظن الواقع اكرم من يد الوهم الرحيب

مهما اقترب ذي ما دفنه الجد لك تحت التراب
لا تنشده مهما اقترب ولا تظنه با يطيب

ولا تظن الحفر با يفتح لما ترجيه باب
أو با يحول الدهر ما بينك وما بين النصيب

ما اقرب نصيبك وان ترى نيله من السبع العجاب
وابعد نصيب الناس من يدك ولو شفته قريب

احيان غض الطرف لك من صدمة الخيبه حجاب
واحيان بذل الجهد ما يجدي ولا سعيك يثيب

واحيان صبرك وانتظارك للفرج مصدر عذاب
واحيان ترك الصبر والنسيان لاوجاعك طبيب

أقنع بما نلته ولا تحسب لما فاتك حساب
والله يخلف ما أخذ ويشل ما أعطى حسيب

ما من حسب حصل ولا من ما حسب ضيع وخاب
كم صاب متجاهل وكم أنسان متحسب يخيب

أدفن شعور الشوق للآتي ولو قلبك مصاب
والنفس فيها كلما زاد الأمل زاد اللهيب

لا يرهقك طول انتظارك شي طول في الغياب
ولا تعاني من غياب الشي وانسى ما يغيب

وان خبت لا تعتب على نفسك ولا ترضى العتاب
ولا تعلق كامل آمالك بصاحب أو حبيب

ما كل من ناديت له با تستمع منه جواب
ولا لكل انسان نادى تستمع ولا تجيب

البعض لا ما جوبك بالصوت بالفعل استجاب
والبعض صوته جوبك والفعل ماهو مستجيب

والبعض تتمنى لو انه ما سمع صوتك وجاب
تندم اذا ناديت له ويخاطبك مثل الغريب

والبعض صمته خير من ما تستمع منه خطاب
لا اتكلم اتكلم تكلم مثلما زارت خطيب

والبعض لو ما جوبك أو جوبك مثل الغراب
مشؤم وتحسه سوى في الحالتين امره عجيب

ماشي سوى الرحمن من ناداه دايم مستجاب
ذي قال بالمختصر في مصحفه إني قريب

يالطالب الموهوم في نيل المعارف من كتاب
لا ترهق اعصابك ترى ما كل متعلم لبيب

العلم ما تستوعبه صفحه ولا همة شباب
ولا تسمي كل طالب مدرسه طالب نجيب

والقا صروف الدهر شامخ ذيب من جيز الذياب
وابقا كما وهاج لا هاجت على الكفار ذيب

والغيث يابو عينها لو جاك من غير السحاب
لا تحسب انه غيث لو صار العنب بعده زبيب

والخير يابو عينها لو جاك من بين الخراب
لا تحسب انه شر وان ريت الصبي منه يشيب

والرشد والهيبه وعز النفس للمؤمن ثياب
والصفح والرحمه وحسن الخلق والطيبه عسيب

في الاوله والاخره يرجي من الله الثواب
وامنيته يفرغ الصبر في اليوم العصيب

كلمات اني قريب عدي السفياني

كلمات اغنية كافح وكافح وكافح عدي السفياني