كلمات اغنية اهل النواميس مسفر السندوانه
ي اهل النواميس كلًّ يكرب حزامه
ويدور اللي معمّقــةً مجانيهــا
توهّج المهرجان ورفّت اعلامــه
وعشّاقة الهجن حثّت له خطاويها
باسم ولي العهد مبداه واختامه
محقق الرؤيه العظمى وبانيهــا
تاج الفخر فالزمان ومصدر ألهامه
افعاله المجد يكتبهــا ويرويهــا
محمــد العز والتاريخ ووسامــه
اكرم هل الهجن قاصيها ودانيها
كل ابلجً فاللقا ماتبرد عظامــه
ليا احتزم للرمــوز يتل غاليهــا
يحضّر العابر اللي ترهق اخصامه
ويشطّر اهل الهقاوي عن هقاويها
كلً لكسب الجوايز ضمّر احلامــه
وعقد طموحه على اشواطً يجي فيها
وقدّم سبوقً عوايدها التقدّامه
من بنك الانتاج والا تو شاريهــا
من كل ميدان لحّاقــه وقوامــه
مضمراتً يهيب الروس طاريهــا
لحوقً لفهقــة الدحمول جزامــه
وراسً تضحي براس الشوط اياديها
من كل ندراً قوّيــة راس هوّامــه
تقول تاطــا على الوقاد بيديهــا
تستنزف التيم حتى تحرق ارقامه
كن الحيايــا تلوّى في سماريهــا
الرمز تقفي عليه وتقضب زمامه
وكادر لاذاعه ليا قفّت يباريهــا
صارت حديث الختام وجوهر اعلامه
وحماس جمهورها شوش براعيها
وفودً مهنّيــــه ووفود سوّامـــه
اهل النظر عندها تكثر مساعيهــا
وخطوا لحوقً يجيب الخير درهامه
سقف الطموحات من سبقه يعلّيها
يبشر بمجد العرب من يقضب خطامه
رمــوز الاشواط يدبلهــا ويثنيهــا
اهل المرا بالفخر كلًّ وصل زامــه
وصعبات الاتيام تفرقها ثوانيهــــا
حّلوا على ارض المصيف وهبت انسامه
واهل الشعارات زادت في تحديهــا
لا لاح بــرق التنافــس سبّل ركامــه
واهل النواميس تتعب من يجاريهــا
كلمات اغنية الجو زان مسفر السندوانه
