كلمات اغنية بروق الحيا عبدالهادي الحبابي

تولعت في برق لمع في سما نجران
شعل وشتعل في خافق الوايلي ناره
وسريت اتبع بروق الحيا شرق وادي العان
ولفكار من جور المقادير محتاره

حلالاه ياللي كن خطه على البيبان
كفوف الهنوف اللي من النقش مختاره
بريمي يشوق العين ودريوله بطران
يبوج الوعر والقار والطعس والحاره

مقفص ولونه بيج من مصنع اليابان
لمنه اشتغل كن فالشكامين قطاره
منا اللي حداه الحظ والفقر والديان
ومنا كل طيب راس مبعد عن دياره

ومنا العاشق اللي كل ماشاف بدر بان
ذكر له وليف مابعد لمس ازراره
وجودي علا اللي له فصدري مقام وشان
وجود اليتميم اللي محد يعرف اخباره

علا جادل طحت بسجنها ونا السجان
سجين لاشمله عفو منها ولا زياره
ياقلبي تصبر وحتمل ولعن الشيطان
ونا خابرك قلب محد يعرف اسراره

صحيح ان عليك هموم ون صاحبك طفران
وصيح انك تخفي خلفك اسرار جباره
لاكنه يبيلك راس طيب طليق لسان
صبور علا الشدات ويواجه الغاره

فعلي نذر بذن الواحد الراحم الرحمان
لاسليك غير اصبر وليام دواره
ولاعاد تزعل كل ماشفت برق بان
ترا كل ضلع يحتمي تسمع انذاره

كلمات اغنية بروق الحيا عبدالهادي الحبابي

معلومات عن الاغنية

فيديو اغنية بروق الحيا

اغاني عبدالهادي الحبابي