كلمات اغنية تودع خاطري خالد الرشيدي
تعبت اسقي بساتين الغلا من دمعي الهمّال
ولكن للاسف رد الوفا للحين ماجاني
حبيبي ليه وجدانك عليه مسكر الاقفال
وانا بالحب ماتبخل عليك انهار وجداني
خذيت المركز الاول لحالك والجميع لحال
جميع الناس بعدك تشترك بالمركز الثاني
على شوفك عيوني تنتظر في باب الاستقبال
ترحّب فيك ياتاج الغلا ياسيد خلاني
حسبت إنك تبادلني بنفس اللحن والموال
وانا أطرد وارد أحزانك وتطرد وارد أحزاني
حسبت ألقى معك كنز السعاده وإرتياح البال
ولكن ياحسافه قمت في هجري وخذلاني
تودع خاطري مكسور في دوامة الاهمال
بدون اسباب تهجرني بدون اسباب تنساني
عزاي ان الوفاء مبداي بالاقوال والافعال
وهذا يرفع الانسان بالمفهوم الإنساني
وداعاً ياحبيبي عن ديارك ناوي الترحال
انا أهجر من هجرني وأفتخر لوعشت وحداني
يعوّضني الكريم المقتدر من لابسات الشال
ويغنيني عن اللي فات من همي وحرماني
معك ياناكره العشره قطعت البث والارسال
ولو دوّرتني فيما بعد ماعاد تلقاني
شطبت اسمك وعنوانك معي من جدول الاعمال
مثل ماقمت في لحظه بشطب اسمي وعنواني
بشطب اسمي وعنواني