كلمات اغنية توينز الشظية فيلو
بشوات لينا هيبة ومركز
والسيط مش بس كلام
قولنا توينز الشظية هتذيع فرحة عمرو هشام
نبدأ بسم المولي
ع الأرض هنستولي
احذرو من اسمينا عشان
اسمينا بتهز الدولة
سوقنا الدنيا بناسها
اي كتيبة ندوسها
دخلتنا ع الأعداء
دائما بتحبس انفاسها
دخلتنا ع الأعداء
ديما يابا تحبس انفاسها
مهما الدنيا بتديني
مش بتكبر ولا بتغير
قلبي انا ع قلب زميلي
ونفسي معاه لو حتي قصير
صحبتنا تشرف بلدة
وجيهتنا ف ابطال والدة
وكتاب الرجولة حافظينو
من الجلدة يابابا للجلدة
مفيش اصول ف الكون
وكلو بقا ويجرح ويخوون
وناس تبيع ف الناس
وأكننا جوة اوكازيون
يادنيا خفي خلاص
خدت الصدمة وجالي جنون
قصتنا قصة كبيرة
من كام سنة الصحبة مسمعة
تدينا حقد وغيرة
نديك قصدها رجولة مجدعة
حسدك عمرو يكسرنا
ربك هوة اللي اختارنا
علشان سالكين من جوة
عالنا للفوق كبرنا
بعيش لوحدي ظروف ف عز الخوف بدوس تعشيق
بلف ياما واطوف عاملت ألوف من المخاليق
ف ناس تحب الخير وناس ع الشر تغير ريق
عايز تعيش ف الدنيا لازم تنقي ياعم صديق
ف الدنيا دي انا وصاحبي
من غير صاحبي مقدرش اتحرك
خلي العيون بصالنا
خلي الوشوش واقفة بتتفرج
طائرة النسور بتحلق
كل البشر هتقلق
واللي يفكر يعدينا
بردو علي أيدينا هيكون متعلق
مولد ف شارع الموت
والفعل دائما قبل الصوت
ادني ربي الهيبة
وداني صحبة ف النار تفوت
مع بعض مهما كان
ومأمنين كل الأركان
تضرب رصاص اونار
عشان دي فرحة عمرو هشام
سهم العيون رشاق كتير أعداء كتير حاسدين
عشان هدومنا الشيك ف الرايحة والجاية متباعين
الكعب عالي عليك بعيد خليك هنا محاربين
الدنيا هتنسيك هنفكر يابني احنا مين
نسور فردنا جناح
ونام وارتاح
ووطي الصوت
من يومنا يلا اشباح
سبع ترواح
واد الموت
تعيش ومهما تعيش
ومهما تشوف هتيجي تقول
زي الصحاب دي مفيش
ولاد بلد ومذاكرة اصول
عجيب زمنا عجيب
خلي العويل هوة الكسيب
واللي بيشقي تملي
ف الدنيا عاش وكانو غريب
ياحظ لية بتجلي
مع اللي ميطلعش العيب
وياخلق لية بتعلي
اللي ملوش غالي ولا حبيب
قلدو واسرق الحانو
وهوة هيعمل بردو جديد
الفيلو ثابت ف مكانو
ومنتج من الصعب التقليد
حودة ناصر شاعر الغية
كلام ومعني تملي يزيد
هنقولو توينز الشظية
كلكو كدة ع قد الايد