كلمات اغنية تو الليل توه صالح الزهيري
قوموا الصفين تو الليل توه
كل طيّب دايم نفسه طروبه
عادة الشاعر ليا من زان جوه
نزّل شماغه وفك زرار ثوبه
وقامت الخود العتاق تصف توه
ويتخير كل ميلاف لعوبه
لاح براق يشوق العين نوه
جاهز هلت على العارض نصوبه
عند ابو فارس عساه يزيد قوّه
اصوكٍ يمناه نفّاضة جيوبه
عند ربعي شاعر فذ مفوه
اتزايد شعر واحساس وعذوبه
من تحدث باسمهم كله جروّه
فعلهم ينبيه ويجوّد سلوبه
ربعي اللي كلهم عز و حموّه
في شمال الدار والا في جنوبه
نوم عيني قبل تنويه المنوّه
المحازم طي والروس امعصوبه
كنهم سيل تحدر من علوّه
من وقف في ساحة الدقل احذوا به
المنيدي حاضر خيره وسوه
للشلي عونٍ و للاعداء عقوبه
ما يعادينا سوى الفكر المشوّه
جاهلٍ تصفق هبوبه في جبوبه
الزعامه يوم كل شب ضوّه
جاتهم بالطيب ما جات مغصوبه
فزعه ونزعه ومع الاصحاب خــوّه
من زهمهم في النوايب جملوا به
مع عيال مضيم قوه وسط قوّه
قوة تشمخ على هام العروبه
التحلّي بالشجاعه والمروّه
والجناب الدمث والنفس الرحوبه
من تعدّا دربهم شان وتشوّه
ومن تقدّا دربهم زانت دروبه