جبنا العرسان كلمات
جينا وجينا وجينا جبنا العرسان وجينا
ليلة سعيدة والقـمر يتعلـل
كلوا عشانك يا عريس اتدلل
ليلة سعيدة والقمر بـاهي
كلو عشانك يا عروس اتنباهي
كل المحبيـن اجو عنا يهنونا
يا مرحبا ويا هـلا باللي شرفونا
كل المحبين اجو عنا لنص الدار
يا مرحبا ويا هلا باللي جونا مشوار
رن الخاتم يندهلك يا دخيل الله
يالعروسة لابقلــك والعفو لله
رن الخاتم واجاكي يا دخيل الله
يالعروسة ما اغلاكي والعفو لله
لولا المحبة على الأقدام ما جينا
ولادعسنا اراضيكـــم بـرجـلـيـنا
واللي يحبك يجيلك عالقدم ماشي
واللي ما يحبك يقلك ما دريناشي
احنا كبــار البلد واحنا كراسيها
واحنا سيوف القنا وتمركزت فيها
احنا كبار البلد والشور بيدينا
ننهر على السبع ما يقدر يحاكينا
من تحت الدالية لاقعد واغـني
من تحت الدالية عالليالله ويالله
اخذ الغالية قولوا للعريس
أخــذ الغالية عـالليالله ويالله
من تحت الليمونة لاقعد واغني
من تحت الليمونة عالليالله ويالله
اخذ المزيونة قولوا للعريس
أخــذ المزيونة عالليالله ويالله
هون دار العز والأكابر
ديوان ابونا سيل للي مكابر
هون دار العز محنا عن طرف
ديوان ابونا سيل مبني عالشرف