كلمات اغنية جرح قلبي الوليد ال عامر

مادفاني من غيابك معطفي
المشاعر بردها يجر النحيب
هبت رياح الشتاء حول اكنفي
والسهر عيني يحاربها حريب
رحت عني في طريق المقتفي
تاركني في جروح المستصيب
ماهقيتك يوم والله تختفي
لين شمسك شفتها تشد المغيب
كيف اصدق حالتي من موقفي
صعب يتصدق على العقل اللبيب
جرح قلبي اليوم ماله مسعفي
صابني التمزيق في عمق القليب
هز وجداني الجفاء يا مرهفي
مارحمت الي اعتبرك اغلى صحيب
لو ظلمت الروح شف تصرفي
ماابادر غير بالصدر الرحيب

لاتظن الي تركـني ينعفي
الامل باقي الى يوم المشيب
كنت انا في حبك العذري وفي
ماذكرت اني خذلتك بأي عيب
والدليل استوضحه في احرفي
لو سألت القاف فالمعنى يجيب
ماكتبت الا من الود الخفي
صادق احساسي بلا شكٍ وريب
اثره انه الوقت ما دايم صفي
فاجعاته موجعه وامره غريب
في هوى المطلوب صار مخالفي
عكس تيار الاماني والنصيب
شفت راع الطيب ماله منصفي
لا جفاه الغالي بيومٍ عصيب
يصبح مشتت وكنه وسط فّي
ضاع برهانه ولا له من يثيب