كلمات اغنية جلد الذات مصطفى حجاج
آه من جَلد الذا
طول الليل بالذات
لما دماغك تبدأ تفتح وياك الحكايات
لما تبل دموعك
م البُكا فَرشة نومك
وتفكر في حاجات تعباك
مابقاش ليها علاجات
آه من واحدة ٢ بليل
آه من تفكير نص الليل
آه من كل حكاية إتقفلت
بس اتسابلها ديل
آه من ذكرى بتنأح
آه من جرح بيفتح
آه من ناس سايبانا ولسة
فيهم برضو بنسرح
ندمك على قرارات
غلطك في اختيارات
سهران عَمّال بتلوم نفسك
على كل الغلطات
روحك بتروح منك
متحسر على إنك
ضيعت أجمل وقت ف عمرك
على ناس كانوا فترات
مليون ذكرى وألف مكان
بيرجعني سنين لزمان
بيرجعني اشحت إحساس
مبقاش فِ الإمكان
مليون وجعه تهد الحيل
وزن همومي ده يملي النيل
قلبي معادش قادر ع الشيل
بياخدني وبيميل
كلمات اغنية جلد الذات مصطفى حجاج
كلمات اغنية اللي جاي بتاعنا عصام صاصا و مصطفى حجاج