كلمات اغنية حالة غريبة احمد العامري
انا عندي طقوس الشعر حالة غريبة
حالةٍ ما يشخصها الطبيب ولجانه
مرة يغيب والا احيان من بعد غيبة
يمتطي صهوة حصانه ويطلق عنانه
يومه ابدع عناد بدون شكٍ وريبة
هيض مشاعري بالشعر صحت لسانه
و البريك ابتكر له لحن ما أحد يجيبه
له حقوق الطباعه ماركة في بيانه
ما خذت اذن منه ولاني اعرف نديبه
لكن امون على الطيب كثير الميانه
استوت لي بيوت من القهر والغليبه
ودي اجرها موال يا ليل دانه
حزة الضيق ما تقنص ولا هي صويبه
يمكن الشعر يبلاني وناثم عشانه
غير لا مانع ارسل جدوةٍ من لهيبه
علها توصله وتجي سبب بإتزانه
يا صغار العقول الفارغات العطيبه
جنبوا قبل لا يزعل وزير الرزانه
يا غبوني على اللي حط للاش هيبة
والحقيقة بلا هيبة ولا له مكانه
يوم كبرت عقلي والكبر ما يعيبه
عود يشوف نفسه كنه عنتر زمانه
في عيوني تساوي صفر مكسي بخيبه
والصفر لو تدبل ما له قيمه وخانه
حربكم ما يضر وحقدكم في الهبيبه
عن اهل الكيد واهل الزيف عندي حصانه
فالنمل طول عمره ما يروع دبيبه
والأسد هيبة اسمه خل نظرة عيانه
تدري ان الفراسة من كريمٍ وهيبه
فرقها عن كذاب اهل الدجل والكهانه
راس من التجارب عقب ما بان شيبه
جعل يفداه راسن ضارٍ بالمهانه
بعدها يالحزام ابن الرجال العريبه
لا تسند على رجال ماهو تكانه
والجميل احفظه لأهل الجميل الأديبة
واعتبر حفظها من باب حفظ الأمانة
وأبق ابو وجه واحد لو يضدك كتيبة
من يراهن على الوجهين خاسر رهانه
فالرضى ما تشوفه في الوجيه الكئيبة
والزعل ما يقرب للوجيه المصانة
الله يجازي الصابر وربك يثيبه
هو رجانا واليه ملاذنا جل شانه
وكان ترويقة أمزجة الخلايق صعيبة
انا يكفي مزاجي دلةٍ واستكانة
كلمات اغنية حالة غريبة احمد العامري
كلمات اغنية ليت الزمان يعود احمد العامري