بـ اسم خليفه الفخر ملبوس
يامرحبا بمن لفا فيها
في واقع الوثبه الملموس
الشيخ بالخير مرويها
حان الملاقا وهب الكوس
الاعلام رفت بعاليها
ناموس يا مغلي الناموس
لي مرخص المال يحريها
الفكر احد من شفير الموس
والزين كله مواريها
لا حركوهن عصاها قوس
مادور القرم اليها
ادوس على الثرا وادوس
على الهوا من رها فيها
في نحرها سبقها مغروس
ماتتعب اللي يباريها
كنها تغني على المنكوس
وبداية الركض تاليها
حتى لو استارها متروس
فالكيلو تشوف راعيها
هي مفرحة عاصبين الروس
وفالهجن محد يجاريها
خطة ركضها مهب مدروس
والمدح دايم بطاريها
لي عندها مالحسد محروس
يعرف متى تقدم ايديها