حبة ذكريات كلمات
اهي إنتهت الحكاية
وكل شيء بميعاد
اثنين غيرنا اللي حبوا
احنا اثنين جداد
لا تقول ترجع ولا أرجع
خلاص الوقت فات
مش باقي من هوانا غير حبة ذكريات
لما فتحت قلبي ع شباك الربيع
يومها أعلنت حبك قدام الجميع
اتلونت سمايا
بلون أجمل حكاية
وفرحت بكل لحظة
حتى لحظة بكايا
محناش أول أحبة يعذبها الوداع
وليه دلوقتي راجع تدور ع اللي ضاع
وتقوللي هنرجع ما هو فات اللي فات
مش باقي من هوانا
غير حبة ذكريات