كلمات اغنية حب الهجن مسفر السندوانه
حب الهجن مبطي وباقي الى الحين
ورياضة ( ن ) من حبها ما يلامي
من لامني في حبها يستمع زين
بعلمه بأنها هواي وغرامي
قلبي ترا يعشق ولا يعشق اثنين
قلبي تولع في الهجن من عوامي
من عاد عمري ٦ الى ٧ سنين
وانا لها وقتي وكل اهتمامي
نتعب ونشري نادرات الفطامين
وندور لشبه الظبي بالتمامي
الين نلقى سابق ( ن ) فارقه بين
كل الحلال وماخذه من لادامي
فالشكل غير وتلفت وتعجب العين
وفي كل مركاض ( ن ) تجي في الامامي
نحضر بها في شوط بين الصلاتين
وفي شوطها لو كان تكثر الاسامي
بأذن الله ان تسبق وتفرح محبين
ولفوزها تهدى وشاح ( ن ) وشامي
الها عوايد في جميع الميادين
منومسه راعيها كل عامي
والى انطلق شوطً له الناس حمسين
وكثر الصياح وثم غدا الشوط حامي
يبين فرق السبق والشكل والزين
في ركضها ظبي ( ن ) ومخطيه رامي
تلحق وتفهق كل وحده وثنتين
ما همها كثر العدد والزحامي
تلحق لحوق النادر من الشواهين
لا من طلع للجول وسط الغمامي
تقفي لا من مرت على لوحة ثنين
عاد العصا ما حركت بالكلامي
ولا دور اليها تثور البراكين
ومن العيون الله عليها يحامي
تقلع سوات الطايره بالجناحين
وترسل تهاني لأهلها والسلامي
في شفها ندفع ولو دين بالدين
نبغي لنا رمزً في يوم الختامي
كلمات اغنية ابناء مبلش مسفر السندوانه