كلمات اغنية خطر حامد سهيل
خطر خطر والقلب من شوقه شفوق
والعين في حسنك تهيييم اهدابها
عيدي انا في شوفك وصلك يروق
شفتك ويوم السعد ربي جابها
اللبس ذوق وانت زدت اللبس ذوق
و العين ما غيرك يثير اعجابها
ثغرك عسل و النحل من ثغرك يذوق
والنحر فاق المفرده و اعرابها
اذا مشت تفرق ويا كثر الفروق
مثل الظبي لا ذيرت فهضابها
من اسفل الاقدام لين الراس فوق
مفاتنك ما فيه شيٍ عابها
حسنك عن اهل الحسن ياعمري يفوق
يا ما حلاة خدودك و عنابها
شفتك و ودمي ذاب في وسط العروق
ودقات قلبي ما جهلت اسبابها
من نور وجهك اشرقت شمس الشروق
ورموش عينك ما خطة نشابها
في نقشك وحناك كل عاشق يتوق
وعيون خلق الله تثير اعجابها
يحق لي اطريك و الدنيا حقوق
و ابيات شعري تحتفي بـ احبابها
اشتاق لك شوقاً وفوق الشوق شوق
والارض تفتح في لقاك ابوابها
كلمات اغنية خطر حامد سهيل