كلمات اغنية رمز العرب اسعد البطحري
البارحه والشعر هبت هبوبه شمال
وشوارد القاف والافكار مثل الهمل
والشعر والفكر والابداع مضرب مثال
والشاعر المبدع ابياته مافيها خلل
والمدح ظلعٍ مراقيبه عراضٍ طوال
والعز بيت الوفا والطيب شيخ الشمل
سلام ي صانع من الا محال المحال
يا تاج الامجاد ي زارع غصون الامل
يا زايد المجد عنوان وجواب السؤال
لا صار طيب المعرب جمرةٍ تشتعل
وانت الحزام المجّمل كاسر الاحتمال
وانت الشجاع المحنك في جميع الدول
يكفيك بـ انك سلالة محتمين السلال
يوم السيوف الصقيله بـ الدمي تنغسل
ويكفيك بـ انك ولد حمدان دمث الخصال
رمز العرب والاسد ماينجب الا شبل
ارهى من السيل والطف من مصب الزلال
وادهى دواهي شيوخ الارض بعد وقبل
على يدك تنمحي روس الامور الطوال
اللي لحقها من صدوف الليالي ثقل
يجي لك الضايق همومه تقل وجه خال
ويروح منك من الفرحه نحسبهْ خبل
على كثر ماعطيت من العطايا الجزال
حتى عطاياك فالواقع تسبب جدل
من يشكي الفقر والحرمان والاختلال
والضيق والهم والغربال لا ينشغل
يزبن على القوه العظمى وزين القبال
والجانب العيدهي والصارم المرتجل
شيخ يعزل الهموم من القلوب العلال
مثل مايعزْل من مراح النوادر سمل
وشيخ يعدل ظروف اللى حدته الليال
مثل مايعدْل بـ وجه الحق سيف العدل
من اول الناس تزبن في ظلال الجبال
واليوم من يزبنه ينسى ظلال الجبل
كلمات اغنية رابي بعز اسعد البطحري
