كلمات اغنية رهين المحبه الوليد ال عامر و فلاح المسردي
الى اقفى النهار وهفت الشمس واعزاه
على اللي غياب الشمس بيّح بمكنونه
يبي سلوة الخاطر ويرجع على دعواه
وقلب المولع فالهوى لاتلومونه
انا لي وليفً ماقدر خافقي ينساه
ولاكان في بالي بعيش العمر دونه
ايلين الهوى سوى بنا اليوم ماسواه
بروحي وروحك واصبحت فيه مرهونه
رهين المحبه والطواري كبر بلواه
على مايكن الصدر كان الله ابعونه
تدكه هواجيسً وهمً يجيب اقصاه
وتهجده ذكرىً تشغل القلب بشطونه
ومع خيبة الامال والحزن من ماجاه
طيوف الغلا في مامضى تسهر اعيونه
يسامره طيف اللي ملك علته ودواه
ويترجم شعوره بدع الابيات ولحونه
وليفً توجادي على وصله ولاماه
عسى الله يرده بعد ماقفت به اضعونه
احبه وحبي له كثر بغضي لفرقاه
واحنه كثر ماغضب من اللي يعذلونه
الا ياوليف القلب ياغايته ومناه
خذيت المحبه كلها وانت مضنونه
ترى الشوق له دافع وله دمع جارن ماه
وله حزتن في تالي الليل ملعونه
ترفق على اللي من عذاب المفارق تاه
ورمح التغلي من يدك زادت اطعونه
كلمات اغنية الظبي الظفاري الوليد ال عامر
