كلمات اغنية سقط عمدا فهد الكبيسي
أصد هناك بعيوني وألبسها العمى واغتاب
جروحك ذكرياتك حالتي وش صار بغيابك
تغافلني على قلبي و تدخل ماطرقت الباب
ولك عفيه على قلبك إذا لي خنجرك جابك
عرفت تخون يالوافي وتلقى بالمدى أحباب
بغدرك كيف ماأدري وانا اللي منك أدرى بك
أنا ما أشره على حظّي لأن الحظ ماقد طاب
أنا بشره على قلب وثق فيك وتهقوى بك
أنا ما أشره على حظّي لأن الحظ ماقد طاب
أنا بشره على قلبٍ وثق فيك وتهقوى بك
أكيد إن الحكي ضايع ولاينفع معاك عتاب
وأكيد إنك خسرت الحب واللي صار باسبابك
أبدفن حزني بقلبي واجاري غيبتك بغياب
وأكبر عقلي وأرحل بلا ما أتلف أعصابك
تأكد لو بغيت اجرح أبجرح قلبك وترتاب
تجيبك قسوتي عندي مدام الطيب ماجابك
تأكد لو بغيت أجرح أبجرح قلبك وترتاب
تجيبك قسوتي عندي مدام الطيب ماجابك
كثير أشياء تمنعني وأول هذي الأسباب
بإنك شخص لو أجرح شعورك أكسب إعجابك
أسولف لي عن أحزاني وأفتح للألم أبواب
واقلّب همّي بقلبٍ سقط عمدا من حسابك
تحير بحلقي العبره وألبسها الدموع ثياب
بكاني كل شي حتى غلاك ووحشة غيابك
كلمات اغنية سقط عمدا فهد الكبيسي
كلمات اغنية لابوك يالعين فهد الكبيسي و موضى الشمراني