كلمات اغنية صحاب زمان ساندي و ريشا كوستا و سماره ناو
ياصحاب زمان
راحت فين ايام زمان
الناس الحلوه والجيران
والله وحشتوني
انتوا الناس الطيبين
ولا غيرتها السنين
لما غيبت عنكوا يومين
آنا قولت انتوا نسيتوني
في الشوارع والحواري
والحكاوي ع القهاوي
اللي فيها ذكرياتي
هما دولا اغلي ناس
السعاده ف البساطه
وسط ناسي مفيش الاطه
الشياكه والاجا
والموضة لاغلي ناس
هنجمع الحبايب
يلا نرن ع الغايب
علي اللي صاحي واللي نايم
واللي بقالو كتير مجاش
والله كانت ايام جميلة
امتي ترجع بس ليلة
لم العزوة لم العيلة
هنا حب الجدعنه والاصول
هنا دول بيحبوا الخير ل دول
هنا مش هتلاقي واحد يخون
هنا كله تمام
في ما بينا حاجات مابتتنسيش
ضحك وهزار مابينتهيش
هنا ناس انا لا غيرهم ماليش
واجمل اوقات
طب عاملين ايه
اراضيكم فين
ده انا بستني اي مناسبه
نتجمع فيها
وحشاني قعدتكوا
واللمه ف بيتكوا
ده كفايه هزارنا وايامنا
اللي انا عايشه عليها
كل سنه وانت طيب
انت فين يبو قلب طيب
لو بعيد ومش قريب
ده انت وحشني من زمان
اديني مسد ع الموبايل
اللي بينا مش قليل
منتا اخويا عليا اميل
متقطعش السلام
لعب الكوره للفجريه
الفرقه الجامده الميه ميه
والساعه الحلوه اللي هي
هنا بيحلو الكلام
منطقتي باللي فيها
كل سنتي وشبر فيها
ليا ناس اتشرف بيها
واللى مني ناس تمام
هنا اصلي و فصلي ودنيتي
هنا شارعي و بيتي و حتتي
هما ماضي وعمري بيبتدي
هنا مكاني ومنطقتي
هنا اهي وناسي الطيبين
هنا عشرة قديمة ومن سنين
علي الخير مع بعض متربيين
هنا كل صحابي وشلتي
تحويشه العمر
ف عنيكوا السمر
دي الضحكه من القلب الصافيه
بتطلع وياكوا
وحشني كتير
صغير وكبير
ده مسير الايام تجمعنا من تاني
ع خير
وحشني كتير
صغير وكبير
ده مسير الايام تجمعنا من تاني
ع خير
كلمات صحاب زمان ساندي و ريشا كوستا و سماره ناو
كلمات اغنية في اللالا لالا ساندي
