كلمات اغنية صوبتني فهد بن فصلا
اتجنّب سبايب شعري ومفرداتي
والعرب تجبر الفنان يرجع لفنه
ويوم قال الفكر باخيّرك في بناتي
قلت قلبي مع اللي جعلها ماتحنه
من خطاها علي خلّت عتابي سكاتي
والسكات ابلغ انواع المعاتب مع انّه
ضيّع اكثر فرص عمري وبعض امنياتي
وفدوة اللي غلاي تبيّنه ما تكنّه
اتثيقل وهي تقدر تسوي سواتي
بس تبغي تهز الثقل كله برنّه
تدري ان رنّة الجوال من مغرياتي
كني الطرقي اللي سمع للنجر دنّة
أقبلت عودها ميّال والريح عاتي
واللقا عقب طول الوصل لا بد عنه
خدها فيه مرباع ومصيف ومشاتي
ولون تفاح ولا ما ادري ويش كنّه
خابر ان قلبي اخضر بس شكله نباتي
يعشق النبت فاكهته وهيله وبنه
مستعد اخذ التفاح واخسر حياتي
قبلي آدم خذ التفاحة وخِسْر جنّة
اتفرّع على الموت ابغي الموت ياتي
ومت موتة شجاعٍ ضيعه كبر ظنّه
صوبتني برمشٍ صار سبّة وفاتي
وصرت في عالم الاموات والموت سنّة
وجيت جداني اللي جارهم مايحاتي
متعبين المهار متعبات الأعنّه
قالوا اللي بصدرك ضرب سيف الزناتي
قلت لا والله إلاّ رمشٍ أحدّ منّه
كلمات اغنية الزين القوي بندر بن عوير و فهد بن فصلا