كلمات طعنه الاحباب
على همسة حزن تالي مسا يا طعنة الاحباب
اخذت امن الهموم العزم وامن الصبر تنهيده
تذكرت المواصل يوم قفلنا وراه الباب
وانا عهدي بها من يوم كانت أيدي بـ أيده
احس فـ برد قاتلني ومن حولي وجيه اغراب
هدمت صروح حب ٍ في يديني طال تشييده
هذا البرد وهذا جمر القصيد وصفحتين كتاب
كتاب ٍ كل ما خلصت من صفحاته اعيده
تعال بكل ما في خاطرك شرهة حزن واعجاب
تعال وفك من قلبي عناه وفك عن قيده
ترى والله ما اصدق من كلامي غير دمع غياب
وانا والله دور اللي نسى ما فات ما اجيده
بعدُك احايل الوقت وغثاه وكل ماهو جاب
امعلق خاطري على رجا الوصل وعلى حيده
رحلت بلا عذر وانا ما زلت ادور الأسباب
ليا مْــر الهوى ما اقدر على قلبي وتحييده
خطاك انك طعنت الخاطر اللي من قبل منصاب
وخطاي اني تكاثرت الوصل من قبل لا ازيده
واذا حل الشتاء وانا وحيد ومالقيت اصحاب
وعجزت ارد قلب ٍ ما خشى لو زاد تهديده
انا للحين منتظرك معي دمعة حزن وعتاب
ابي منك العذر والوصل تسمح لي بتجديده
كلمات اغنية يافارقن في زوله صوت العشق