عم جيلك كلمات
عم جيلك يلا
مش فاضيلك يلا
يلا كاتكوا البلا
و الله ماتشغلونيش
احنا يا ابني الفرص
و انتوا كحك و قرص
دا اللي مني اتقرص
على سكتي ميجيش
صعب نلعب سوا
لأ مفيش مستوى
دا انت نفخة هوا
يا ابني تلعب بيك
دا اللي خاب اتظبط
لما مني اتخبط
يا ابني بطل عبط
كعبي عالي عليك
عشرة منكوا بولد
فرد مني ببلد
معروف ان الاسد
مبيشغلهوش قرود
ضربة مني تدغدغ
ضربة منكوا تزغزغ
لما كنت مأنتخ
كنت شاغل عقول
الرجولة مش عضل
اهدى حبة يا بطل
دا اللي ييجي ع الخطر
اقروا فاتحة عليه
لو شيطان سوحك
همرجحوا و امرجحك
كل يوم هجرحك
ف اللي بالك فيه
اللي فات درمغة
و اللي جاي نغنغة
احنا فوق ف السما
و انتوا مش باينين
اللي نفسك فيه
فايته و معديه
جاي تحك ف ايه
انتوا اصلآ مين
انتوا هابطين اوي
و احنا جامدين اوي
ملناش دراع يتلوي
احنا ع المظبوط
ف الدماغ تكتكة
ف الجيوب استكة
مش بتوع فزلكة
و انتوا طلقات صوت
اللي فات معلش
و اللي جاي فريش
احنا منتقارنش
بيكوا ف اي حاجة
احنا زي الفل
و انتوا زي الكل
دوغري ملناش حل
مظبوطين بزيادة
نفسي يوم اشوفلكوا
يمكن اشهدلكوا
سمعوني حسكوا
ولا صوتكوا mute
كلهم مثلوا
طاطوا و اتمسكنوا
دا اللي مال نعدله
يبقى ع المظبوط
مخ يوزن بلد
هيبة زي الأسد
صحبة ملهاش عدد
شنو يابا الزعيم
احنا مين قدنا
لسه على وضعنا
لا الزمن هدنا
من يومنا اسم تقيل