كلمات اغنية عوى ذيب المحاديب جفران بن هضبان
عوى ذيب المحاديب وزعج قلبي عواه
عواه من انعزاله ماهوب من المجاعه
فجر صدري وكنه يردد واحلالاه
ونا مجبور اقول ابشر وسمعً وطاعه
بلاش من الجهل والمجامل والمحاباه
ترا باب الوصل خير من بآب القطاعه
ياراسي صادم الوقت ثم حده على اقصاه
تراك ارسى من طويق ورفع من رفاعه
عزائمنا بنينابها المجد وحميناه
وسدنا فوق عرش الزعامه والشجاعه
من اقصى الطايف آلين نجد أقصاه ودناه
ملكناها بقوه ولاراحت طماعه
يحق النا الفخر والتسلطن والمباهاه
وفعل السيف ماهوب مصنوعاً صناعه
ونا مديون دينن يعجز الضلع يقواه
وترا رد الجمايل مثل رد الوداعه
وراع الاوله لو عدينا مالحقناه
هذا تقرير قلبي ورايه وقتناعه
لكن والله لو احج عنه سنين مااجزاه
ونا ماني لحالي معي ربع وجماعه
ياضيف الله هذي فرصتي والحمدلله
تهيت والشعر زان لناس استماعه
سلام الله على من صنع مجده بيمناه
شجيعن نجدته في الملاقا من ذراعه
بعيد اعن التصنع وعن جو المضاهاه
عليه بالطلاق ان مدحي من قناعه
ابو مازن زعيم الفخر ودها دهاياه
لفعله يشهد الكون وتذيع الاذاعه
مشرع صدره وبيته ويضحك محياه
وصار اشهر من الصبح لابين شعاعه
وعيال الشيخ عاضه شيوخ الوجه والجاه
تكاتفهم يزودهم عزوم ومناعه
اكابر قوم واهل مواقيفً مسماااه
تقدا فيهم العز من سن الرضاعه
هذا مجلسهم اللي يشرف من تنصاه
مع الخط السريع يتبين بارتفاعه
هذا معلم ومدهل ومزبن كل من جاه
مشرع لضيوف اربع وعشرين ساعه
على بابه هلا مرحبا والضيف حياه
تميز في بناه وشموخه وتساعه
هنا في ديرتن كل اهلها دهاه وقضاه
رجالن ماخذين الكرم عشق وولاعه
وترا الاد النخيش اسمً نماري بطرياه
كعام الخصم في هوشن بليا فراعه
اساطير المواقف وحد الدار تحماه
بحدبن تجعل اشجع رجل قلبه رعاعه
من يخاويله نخيش لايحسب لدنياه
يبا يطنخ ولا جاه ميله ونهزاعه
كلمات عوى ذيب المحاديب جفران بن هضبان
كلمات اغنية ملحمه في ملحمه فهد بن فصلا وجفران بن هضبان