كلمات اغنية غير الطايلات مسفر السندوانه
مرحبا يا غير يا حاكمة شوط التلاد
اربع اسنين انقضت ما انكسر فاعوسها
رقمها ثابت بنسبه كبيره وانفراد
كلما دقّت خصوم الخطر ناقوسها
الغلا والزين فيها عطا ربّ العباد
مارقة غارب ولا ينلحق نسنوسها
وراسها غطا بكبره على الندّر وزاد
لا ادخلت معها المطايا تصاغر روسها
من درا انها معه في الشوط ماذاق الرقاد
طول ليله والتفاكير يقطع موسها
عارف انّه بكره الصبح مهزومٍ وكاد
وانّه اخطا يلبس اثياب قبل يقوسها
في التنافس بعض الاحيان نوع من الجهاد
ناس تستانس وناسٍ تضيق انفوسها
علي بن هياي كوعه على وسق الشداد
كل قمّة عز يرقى لها ويروسها
لا قدم باللي غلاها تمكّن في الفواد
وشوفها عنده دوا النفس من هاجوسها
ضامنٍ ناموسها باسمه وباسم البلاد
وانا من ناسٍ يهنّون في ناموسها
والله ان هاجوس شعري لها بالوصف جاد
كيف لا والاوشحة دايماً ملبوسها
ملك من قفّل على اهل المساوم والمزاد
طمعته ناموسها ما طمع بفلوسها
لو ثمنها وصل رقماً يهزّ الاقتصاد
ما طرا له بيعها لو تزيد عسوسها
راس ابو سالم كفو والمدايح له قناد
والمواقف في المهمات يبري قوسها
تفتخر فيه المناصير لا كبر العناد
وصعب الاريا في النهار الكبير يدوسها
كلمات اغنية حب الهجن مسفر السندوانه
