فجأه افترقنا

تامر حسني
كلمات اغنية فجأه افترقنا تامر حسني

كلمات اغنية فجأه افترقنا تامر حسني

فجأة افترقنا وفراقنا سرقنا من حضن بعض
بعد إتفاقنا و وفاقنا القرب إتغير لبعد
سافر نصيبي بحبيبي وكإن مفيش بينا وعد
واللي أنا رتبته وبنيته ما تهنتش بيه

قلبي إتلخبط في حساباته متحير مش لاقي حل
مرمي في سجون ذكرياته والوحدة إحساس ممل
نفسي أقابله وأشوفه تاني لو دقيقة ع الأقل
كنت بحبه بجد حتى بعيوبه اللي فيه

يا سنين واخداني وكمان واخداه
من بعده بعاني أكبر معاناة
حكاياته معايا أنا ما نستهاش
والشوق جوايا ناره ما بتهداش

من حال الدنيا الغريبة مستعجب أصلها بتغر
مرة قريبة وحبيبة وبعدين تسقي كاسات المُر
مش عارف سر التركيبة الخير أكتر ولا الشر
طب هي الأيام الحلوة بتجري بسرعة ليه

جايز أكون غلطان مش فاهم أو جايز جداً أكون صح
جايز من كتر اللي بشوفه وأنا بخرج من فرح لجرح
ويا عالم إيه تاني هيجرى دلوقتي أو بكرة الصبح
وإزاي هتخلص من خوفي وأتغلب عليه

يا سنين واخداني وكمان واخداه
من بعده بعاني أكبر معاناة
حكاياته معايا أنا ما نستهاش
والشوق جوايا ناره ما بتهداش

linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram