كلمات اغنية في ناس حمزة نمرة
فيه ناس بتسيب لك علامة
في قلبك لو مهما بعدوا لفين
وناس مش فارق وجودها
في روحك لو حتى عشرة سنين
في ناس مش بتقول بتعمل
وجنبك في الشدة تظهر
وناس حلفت لك تكمل
لكن زي الورد تدبل
فيه ناس من قلبك تعدّي
فتاخد أكتر ما تدّي
وناس من روحك تهدّي
تشوف بيها الدنيا أجمل
فيه ناس بتسيب لك علامة
في قلبك لو مهما بعدوا لفين
بندور على ناس شبهنا
وحد بناخد راحتنا معاه
نعوض فيه اللي فاتنا
وننسى اللي زمان تعبنا
قساه قساه
وقلب يطيب يداوي
يحس بكل اللي فينا
ونفضل ماشيين أملنا
نشوف مخلص بس لينا
قلوب وبتاخدك معاها
مشاعر ولا فيلم سيما
وندخل مليون متاهة
ونحلم بقلوب سليمة
فيه ناس بتسيب لك علامة
في قلبك لو مهما بعدوا لفين
