كلمات اغنية كفاني شجون فهد العمري

أنا لانيب لاشاكي ولاعاتب كفاني شجون
هواك اللي نثرته لاتعجب لاانكسر كاسه
ترى ما يذبح العاشق مثل دمع ٍ بكته اعيون
على موت الأمل واللي يحبه هو سبب ياسه
حبيبي ما خبرت الدمع يرقا وجنة المشطون
ذليل الدمع لابد ايتحدر لو رفع راسه

بقالي عزّتي ياللي على اللي ما سواها اتمون
واظنك ما سمعت بعاشق ٍ قلبه عصى وداسه
جنون أني أحبك ياعذابي والفراق جنون
من اللي يهجره قلبه ويستغني عن أنفاسه
أنا الحطّاب في قاع ٍ جرَد مابه ورق واغصون
! حداه البرد والليل الطويل وشب في فاسه