كلمات اغنية لا تبكون العنود منير البقمي
لا تبكّون العنود ولا تبيحون السريره
ولا تزيدون الجروح اللي لها فينا مواري
كل ما تنثر دموع الشوق فـ اوجان الصغيره
راحت الدنيا علي اضيق من عيون الكناري
إزهمت باسمي وضمت ثوبي وقامت تديره
وهمهمت بعتابها اللي ما يروح لشخص غاري
كنها ترثي الغياب اللي ماحددنا مصيره
وكنها تقرا حديث الوصل من كتب البخاري
علموها لا تضايق ياعسى ف الامر خيره
كان طال العمر غرد باسمها دوح القماري
وسامحيني كان مت ورحلة الدنيا قصيره
قبلة الوداع تكفيني وقبري فـ انتظاري
والجماعة والمعارف والجماهير الغفيره
مايعوضون بمحل ابوك والفرقى جباري
وان توفت عقبي وشر المنايا طار طيره
ادفنوها في يمنيني واكرموها عن يساري
ادري ان عقب الحياه الفانيه مافيه جيره
لكن الشوق يحداني للهبوط الاضطراري
جل شان مقدّيٍ عين البصير من البصيره
حيٍّ اكرمني وجاني بالعنود وطاب كاري
يوم حققها الرجاء سميتها باسم الاميره
وباسم وضحىً من خيار الطرش في سفن الصحاري
طاري البل شره عقيل ونسى يربط بعيره
ضاع لونه مع عتيم الظلم في سود الغداري
في سموم القيض والكنه وفي شمس الظهيره
هقوتي ف الطيبين اشوفها عازل حراري
زال محزمنا سند حي وعلى وجه الجزيرة
ليش انصيها العتيبي والهذيلي والمطاري
من تحزم بالكلاش وبالطوال بالذخيرة
ما تلفت ف السيوف وف الجنابي والشباري
كل ما طرو قيا سلم ع شيخه واميره
سند ابن ذعار بن سرحان مزبان الطواري
والله ونعم الفعل والمرجله ياخو منيره
موقفه كنه زعيم العرب في ذات الصواري
جاه وجهه فك بابٍ تلحق النوبه خفيره
وجود يمناه السحاب مشرع بطون الخباري
كوكبه ماهوب ف حساب المزارع بن عميره
في مدار الكون متبين ماعنه البحث جاري
ديرةٍ ماهوب فيها والله ان ماهيب ديره
الطريق يمرها وترده اللوحه جباري
الرجل ينطق لسانه حسب مايملي ضميره
والحقايق فرقت ما بين الاصلي والتجاري
يانذير الفتنه المعروف ما ينكر بشيره
املوا بطون الدلال وفضوا حلوق الغواري
الكفو لا مدح ابن عمه يعرف انه خشيره
وراس ابو زيد الطويل اكبر من افواه الظواري
ياسند راعي قيا مديح شعري كثر خيره
خلد شيوخ الفعول وهمّش الامر الوزاري
من ملك رفقة خويٍ نور وجهه من ضميره
لا يغبط اهل البنوك الراجحي ولّا العقاري
كلمات اغنية عاصمة قلبي منير البقمي
