
كلمات اغنية لطفا حبيبي مصطفى السوداني
احلامي تدري شكثر احجيهه للتوضيح
عالكبه كطره مطر يا ريت روحي تطيح
خيط بفراش الصحن اكضي العمر تسبيح
يالكاعد بنص عيني منك الك خليني
كاس العذب سويني والمس عطش زوارك
امنيتي وابقه اتحسر جان الشرف صار اكبر
لو آنه خشبة منبر وبكل عزاء اتشارك
لو خشبه اعله بابك يلزمني اليزورك
لو دخان اصيرن واطلع من بخورك
الحريه لو عندك اسير
اسعد بشر بالدنيا اصير
مفتاح اصيرن ردت وبالصحن والاي باب
لو ركضو بعاشرك ايفرشوني كون اتراب
مرمر اضل بالصحن ويسحكني كلمن طاب
كون انشمر واتمدد چفيه فوك المرقد
ما تقتربلي كل يد وابقه حلم كل زاير
لو من سواد عيوني محبس عسن صاغوني
بشباچك يشمروني امنيتي هسه وباجر
ارد ابقه يمك وبكل حال اريدك
مكناسه بضريحك تلزمني عبيدك
لو نسمه بالحضره اطير
اسعد بشر بالدنيا اصير
احجايه بقصيده لون ويقراني الك رادود
ميل اصبح بساعتك وبكل وقت موجود
بيرغ قديم انخلق ومن كل كتر معكود
لو روحي ورقه انكلبت بيهه الزياره انكتبت
احروفك عليهه انطبعت بصحنك اضل يالغالي
صاحب طموح بحلمي غيرك ابد مو يمي
انتي سماي ونجمي يا اولي ويا تالي
خلني اناره بالحضره واضوي
ملكك كلشي بيه سوي شما تسوي
ما دام إنه العبد الصغير
اسعد بشر بالدنيا اصير
بكل حاله يا سيدي فضلك يضل عالراس
بس تبقه هالامنيه تسمعهه كل الناس
من جلدي جربه ردت ايعلكوهه للعباس
من جفك انه لجفك خليني طاء بطفك
روحي تريد تعرفك ما رايد اعرف غيرك
ما شفتك انت اكبالي بس شفتك انته ابالي
يمغير انت احوالي عايش تره من خيرك
ما راح اجازي رايد اعشگ اكثر
يابو جرح الاكبر اكبالك رايد اصغر
واعله خطه انصارك اسير
اسعد بشر بالدنيا اصير
هذا كلامي فعل بس لليحب هواي
كلشي تره مو مهم انت المهم مولاي
اليكطع عزائك تره كاطع عليك الماي
معقوله افارك نحرك دمعي يصل يتحرك
عبد الله يبجي بصدرك لحد هسه يبن الزهره
عيونك بعد ذبلانه اجفونك بقت سهرانه
يا كلشي يا بعد آنه لاحلامي اريدن نظره
ارجع واكلك اعليك بداعة امك
ابقه للنهايه بجنازه واخدمك
يمك اذا صار المصير
اسعد بشر بالدنيا اصير
كلمات اغنية محرم الذهب ملا مصطفى السوداني