كلمات اغنية ليل الشتاء يوسف الشهري
عساك ي ليل الشتاء مقبل بخير
سويت للذكرى بملفاك إعاده
اسرجت في داجيك خيل التفاكير
والفكر مضمار الشرف والإراده
الذكريات اللي طوتها المقادير
تفلّها والهم يقدح زناده
اللي تهنا بالسهر والمسايير
واللي على ضوه يسامر قناده
الشوق ناره والمشاعر مباهير
والصد جوعه والمواصيل زاده
خفاقه الملتاع يكفخ كما الطير
والصبر في بعض المواقف عباده
وانا الغريب اللي رمى السر فـ البير
رماه مير محدّر الدلو صاده
ادفــع من الماضـي لعينــك فواتيــر
دين المشاعـر فيك يكثر سداده
اجني ضرايبها مـن الغيــر للغيــر
والمستفيد اللي بليا استفاده
ياليــل شرهاتك بعيني معاذيـــر
بارد وحلمي فيك ذعذع براده
عيس الهواجس مقفيات ومناحير
وحمولها مابين ضيــق وسعــاده
مدري متى صبحك يسوق التباشير
وحادي ركاب الصبر يبلغ مراده