ما قلت لك كلمات
على مَطلّ الذاكره نايم قضى تسعين يوم
من يوم ذعذاع الشتا حلّ و مداركه اوقفت
تِكرار نفسه كل عام يذكّر السالي هموم
راحت بعد ما خْذَت قصايدها و ذكرااها لفت
وانا لـ اجل جُرعة غرام آخذ قلم وارسم نجوم
بـ اموت جرعه زاايده لو صوبي البدر التفت
و اليوم طوفان الندم يسعى لـ تدمير العزوم
بـ إسم الهنوف اللي تدوّر لـ القضا ولااعرفت
ترسل صور وتقول ما قلت الك حبك مايدوم
حتّى صدى صوتك بعد طوّلت بـ غيابك خفت
يا حليلها ما لاحضت موتي قبل شنّ الهجوم
باقي بـ تطعن كنّها بالفين طعنه ماكتفت
والحين ما اسمع غير ضوضا تِلحق الأفعال لوم
اتقول ذوق اللي طبخت و عان الأيام انصفت
لا و الله الا راحت شهور الشتاء راحه و نوم
حتّى لو انّي باقي ارقب له و عيني ما غفت
بعد ارتكبت الذنب في حق الهوى لجل السلوم
اشوف نفسي فـي ملامتها تمادت و اسرفت
ما تدري اني مثلهم خطّاي ماني بـ امْعصوم
لو يعفي الله عن خطاي اللـي كسرها ما عفت
من كثر ما تاتينـي الأحلام بـ كْبار العلوم
القـى اصمعيات الهوى داخل زواياي اتـلفت
و انام ناوي رِضوة الأسماع لكن يوم اقوم
احاول استجمع كتاباتي و أحصّـلها اختفت