كلمات اغنية مسجون وقاضي ابو الشوق
اسمع يا قاضي قصتي بالله ما تظلمنيش
انا شوفت مر في دنيتي انا اتهريت تلطيش
اول حكايتي صحوبتي والصحبة دي انواع
في نوع اصيل ويسندك ونوع كمان بياع
حوليا شله ولاد حرام مبداها ضرب الكيف
وانا كنت صيده ف ارضهم علشان غلوبة ضعيف
ادوني مادة مخدره وقالولي هبقا سعيد
بقت ف دمي مسيطرة وعيشت بيها مريض
فجاة سابوني واختفو شافوني ضايع اكتفو
يبوصو عليا من بعيد وكانهم ولا يعرفو
انا حالي ليه اصبح كده انا ذنبي ايه لكل ده
انا كنت عايش بالحلال بس الصحااب دي مهلكة
تاني الحكاية كانت غراام حبيتها بنت الناس .
بس الحقيقة اني فقير باالنسبة ليها مسوااش
سمعت زفة وعقد نور معلقينو ع البيت
سالت قالو اتجوزت خلاص هتمشي بعيد
جويا كان بركان غضب انا غصب عني حزين
ماهو مش بايدي اللي انكتب وداع ياحب سنين
شكرا يا دنيا علي القلم ويلا هاتي كمان
عمال بشوف فيكي العجب وماالعذاب الوان
سهران ف بار مخي اتسطل انا عايز اهرب مالقدر
بقيت خلاص عايش وحيد انسان حزين قلبي اتكسر
انا خوفت ليه ويلي مالزمان انا شكلي هدفع التمن
ولاحد شارك ف الحساب وقت الحساب كله ركن
اخويا كان عيل شقي وكل يوم بحوار
دور خناقة ف عبنا وسمعت ضرب النار
نزلت بجري وصدمتي لقيتو خد خرطوش
كانت حياتو بتنتهي بين ايدي ملحقتوش
انا شوفت امي بتنكسر واغلي ماليها بيموت
دماغي عايزة تنفجر مبقتش سامع صوت
نط الشيطان قدامي قالي اياك ده حق اخوك
لو سبته تبقا ملطشة وناس كتير يكلوك
ان كانو ١٠٠ هروحلهم هاخد بتاري منهم
مبقاش في وقت اكون ضعيف هرفع شريط وهفوقلهم
قلبي اللي كان عايش طري غيرت اسمو لمفتري
مش هبقا تاني ف يوم جبان هبيع ف كله وهشتري
خلصت حكايتي خلاص ياقاضي والحكم اصبح ليك
انا اعترفت بتهمتي شوف انت ايه يرضيك
نظرة عنيكي ياما دي فيها عذاب جبروت
صعبان عليكي منظري وانا ف الحديد محطوط
ياما دموعك مشنقة والنظرة دي مش قدها
وانا مخترتش الطريق حياتي غصب عشتها
ياما خلاص حان الوداع من دنيا ماشية بالدراع
انا نفسي ابوس ايدك اوي بس خلاص حان الودااع
كلمات اغنية مش قادر اضحك ابو الشوق
