كلمات اغنية مش انا محمود الجمل

الكداب بيخش النار حتى لو كان من الاطفال
واللي بيقول الحقيقه دايما بيكون من الابطال
الكداب بيخش النار حتى لو كان من الاطفال
واللي بيقول الحقيقه دايما بيكون من الابطال
مين اللي الشيكولاته اللي سبتها في التلاجه
انا جيت بفتح العلبه وما لقيتش فيها حاجه
ده انا لسه شاريها وجايبها
وكنت عاملها مفاجاه ليك انت يا صالح
قولي ما تعرفش مين اللي اكلها
مين اللي كل االشوكولاته يا صالح
بابا مش انا اللي اكل االشوكولاته
الحرامي اللي اكلها يا بابا
وانا كنت نايم يا بابا
انا ماجيتش جنب التلاجه
معرفش انا اصلا اي حاجه
قلت لك كنت نايم
الكداب بيخش النار حتى لو كان من الاطفال
واللي بيقول الحقيقه دايما بيكون من الابطال

مين هيقولي الحقيقه وانا مش هاجي خالص جنبه
اللي هيقولي انه اكل الشوكولاته سامحه
هيكون حبيبي هيبقى صاحبي وانا هبقى صاحبه
وهجيب له شوكولاته ياما وياكلها لوحده
مين بقى اللي كل الشيكولاته
بابا مش انا اللي اكل االشوكولاته
الحرامي اللي اكلها يا بابا
وانا كنت نايم يا بابا
انا ماجيتش جنب التلاجه
معرفش انا اصلا اي حاجه
قلت لك كنت نايم
طب الحرامي قولي
شوفته وانت نايم ازاي
ده انا طول الليل قاعد في الصاله
وكنت بشرب شاي
تعرف يا صالح اللي بيكدب مايكونش من الابطال
وكمان ربنا بيزعل منه ويدخله النار
قولي بقى الصراحه مين اللي اكل الشيكولاته
بابا ايوه انا اكل الشوكولاته
مافيش حرامي اكلها يا بابا
انا ماكنتش نايم يا بابا
انا اللي جيت فتحت الثلاجه
اخر مره المره دي يا بابا مش هعمل كده تاني
شاطر يا صالح الكدب بيودي النار
وعلشان انت قلت الحقيقه تبقى من الابطال