كلمات اغنية مش زي اللي حاسه الجوكر
مش عاجباني أحوالك الفترة الأخيرة
عصبي
ودماغك شاردة
وبتسرح في السما
وتفكر في الماضي
هو احنا في سن الكلام ده
سيينا ايه للتلامذة
ياسطى
شكلك ايه لو اتشافت
هو احنا مش قفلنا الملف
المفروض إن الحمل يبقى خف
المفروض إنك أقوى من كده
المفروض إنك أقوى من كده
المفروض إن في سنك العقل اللي بيحكم
القلب بيضخ
مش وظيفة القلب يبقى عنده مشكلة
خصوصا لو العقل إتجاهلها
متقعدش تعيد في ترتيبها
دي مش حدوتة بنكتبها
اللي ظاهر للكل من الدنيا غير غيبها
ولا نفس عارفة مناسبها
انا مش زي اللي حاسه من فترة
ف صعب أقول ايه جوايا
مش كل الأشباح اللي بتيجي بتخوف
ومبتظهرش في مرايا
لو قولت إنه فارق معايا
هيقولوا مش راضي بالحاجة اللي معايا
لو قولت إني عايز أسألها عن سر النهاية
هيقولوا دي بداية
أكيد ده وجع التساؤل
أظن إني في حاجة لمبرر منطقي
أفهم قصتنا بأبعادها
أقله تديني حدوتة تتحكي
مش بلومك
مفيش سيناريو يتنكر
أديني مبرر يتكتب
انا كاتب مش ساحر بنجم
لو حد مش راضي عن حاجة بيشتكي
لو حد مش راضي عن حاجة بيقولها
مفيش حد اما يحلم بحاجة بينولها
أي أتنين بعد فترة بيفوقوا
بس دايما في حتة في النص يروحولها
الحاجة بتتاخد بعمومها
وزي ما بياخدوا من الحاجة بيدولها
ولا حاجة كاملة في عالمنا
حقيقة نضجنا كفاية لقبولها
انا مش زي اللي حاسه من فترة
ف صعب أقول ايه جوايا
مش كل الأشباح اللي بتيجي بتخوف
ومبتظهرش في مرايا
لو قولت إنه فارق معايا
هيقولوا مش راضي بالحاجة اللي معايا
لو قولت إني عايز أسألها عن سر النهاية
هيقولوا دي بداية
كلمات اغنية مش زي اللي حاسه الجوكر
كلمات تراك مافيا وعصابات سادات العالمي واحمد فيجو ويوسف الجوكر 2021
