كلمات اغنية مقادير الظروف فيصل المداريه
الله وأكبر يامقادير الضروف
من يامن الدنيا وكثـر ضروفهـا
المـترفـه وش لون قفّت بالشفوف
وعروق قلبي قطعت بسيوفهـا
أحبها حبٍ مـاتوفيه الوصـوف
ألّا إنـّـي أنصـف يـوم أعد وصوفهـا
اللّـي ليـا بـان القمـر وسـط القنوف
تشوفها لامن بغيت تشوفهــا
الجــادل اللي ماتحاليهـا هنـوف
علـى قصـيدي ياكبر معروفهـا
والله مانسى ليلةً تاقف وقـوف
مابان منها ألّا طرف نفنوفهـا
لـبّـى حكاها يذبح القلب الشغوف
ولبـّـى العروق اللي بداخل جوفهــا
ياوش معاذير الكفوف من الكفوف
وأرواحنا اللي ماتناست خوفــهـا
بنت الشرف ماهيب بنتٍ للضعوف
جدانها اللي ماتهـان ضعوفــهـا
خل عاد شجعانٍ يقودون الصفوف
ماتنكسر رايه وهم فـ صفوفهـــا
يوم إن ربي حط لـ أبـن آدم شفوف
نصيبي إن نفسي تكوود شفوفها
عز الله انك غير يـ الاربع حروف
ماكن فيه حروف غير حروفهــا
مـن يـوم مـاودّعتهـا ماعـاد أشـوف
ألّا بـقـايـا ذِكــرهـــا وطيوفهــــا
والمـوت يـاجزءً من النص مْـحذوف
يــروح بـي عمــري مـاعـاد أشوفـــها
كلمات اغنية فتنة الحفل فيصل المداريه
