كلمات اغنية ممتن زياد الدساس
الفرح بعدك فلّق مش بآمن حد بقيت بقلّق
كلهم قبل ما يمشوا اتفقوا ان انا ممل و ازهّق
حلّق من الناحيه تانيه يا عم بخ انا مش بتريق
غيابهم بَهت عـ الايام و لونها بقى يغمّق
حزنت قالولي روّق مش هتتحب يسطا فوّق
من غير كلام متزوّق كل اما ازرع خير بتخزوق
من كتر ما كنت بسامح هي شافتني مهزق
عياطي خزق عيني و بسأل فيني قلبي اتمزق
انا قلبي برج حمام و حمامي ساب الغيّه
كانت هي كل ما ليا و قلبي كان في ايدها ماديليه
مش هي ديا حبيبتي قتلتني و انا ملياش ديّه
مكانتش بتحبني كانت عايزه اني اكتبلها اغنيه
بحزن تمّلي عـ اللي راح و مش هيرجعلي
و اللي راح ده انا ايوه انا سبب حزني و زعلي
اتقاللي ان انا متحبش و انك عندك حق انك تتخلي
عايروني و قالولي يا ابيض القلب يا لالالي
ممتن ليك عشان خليتني اخاف من كل الناس
ممتن ليكي ياللي موتّي في قلبي الاحساس
ممتن ليكوا ياللي شربتوني احزان في كاس
ممتن لـ نفسي و مش لـ زياد ممتن للدساس
ممتن لـ مَن خلاني اصبحت بارد مش بهتم
ممتن لأني خلاص فوّقت من قبل اما اتجّن
ممتن على اوجاع بالكم و جراح ما تتلم
ممتن لـ اي جرح اتسبب في اني اقدّم فن
بتاخدي فرحي و ادي ليش ما يصير ما بَدي
العيب ده كان من عندي عشان مَحدش حَبك قدي
العيب كان عِندي مهما بعدنا برجع تاني و اعدّي
خلفتي وعدي و انا يا سعدي دمعي بقى مغرّق خدي
كان صعب اعيش في وسط ملهمش مبدأ
كسروا مقاديفي دول نهوني قبل ما ابدأ
كل الناس بتفرح و انا حزين لـ هلأ
قالولي نسيك و عاش بعديك
طب اكدّب ولا اصدّق
مش شايف غير الزعل اما الفرحه فـ لا اراها
بان في عينيكي خيانتك لكن انا مرضيتش اقراها
سيبك من ابتسامتي شوفي اللي انا بداريه وراها
بعدك انا مشوفتش بعدك و انتي بعدي مدوراها
ليه دايماً بحلم بيكي عقلي الباطن شكله سف
لما حكيت اللي عملتيه في القعده كله عليا سف
فرحتي بعدي ياما و احزاني اتضربت × ألف
لكن لو حبك كان مرض فـ اطمني انا قلبي خف
ممتن ليك عشان خليتني اخاف من كل الناس
ممتن ليكي ياللي موتّي في قلبي الاحساس
ممتن ليكوا ياللي شربتوني احزان في كاس
ممتن لـ نفسي و مش لـ زياد ممتن للدساس
ممتن لـ مَن خلاني اصبحت بارد مش بهتم
ممتن لأني خلاص فوّقت من قبل اما اتجّن
ممتن على اوجاع بالكم و جراح ما تتلم
ممتن لـ اي جرح اتسبب في اني اقدّم فن
انا مش بضحك ولا بهزر زي ما اتضح
قولت خلاص مش عايزك
بس عيني خلت قلبي اتفضح
ياريتني كنت سمعت كلامهم لما كله نصح
عمرها ما هتكونلك ولا هتكون عريس جمبها في الفرح
و انا خايب الرجا و ورد الحزن في قلبي طرح
هل يا ترى انا قلبي اللي جرحهم ولا اتجرح
كله فيا فِرح و انا و قلبي مشوفناش فَرح
في قلبي ضحايا تقولش يعني كأن قلبي رفح
و بس كده يا عم قلبي حن قولت اتلم
رجعت نمت بـ غم حزنت بينت بـ هم
ضحكت كله اتخم
فكروني فرحان و انا من جوايا جضان
بحكي للحيطان و احزاني شافوني خدوني بالاحضان
خارج من المعركه مغلوب قلبي ازاز و كلامهم طوب
مرتاحتش قولت لـ قلبي توب دايماً بتحب المعيوب
كنت هم انزاح و بفوق من العلاقات مرعوب
انا امتى ارتاح و اروق خلوك يا قلبي بقيت سفاح قلوب
ممتن ليك عشان خليتني اخاف من كل الناس
ممتن ليكي ياللي موتّي في قلبي الاحساس
ممتن ليكوا ياللي شربتوني احزان في كاس
ممتن لـ نفسي و مش لـ زياد ممتن للدساس
ممتن لـ مَن خلاني اصبحت بارد مش بهتم
ممتن لأني خلاص فوّقت من قبل اما اتجّن
ممتن على اوجاع بالكم و جراح ما تتلم
ممتن لـ اي جرح اتسبب في اني اقدّم فن
فرحتهم و قلبي مشافش منهم غير مخاوف
من كتر العياط انا اتعميت مبقتش شايف
بقيت بـ مشاعري اجازف زعلتني و قولت اسف
حبها دخل في قلبي فجّر نفسه بـ حزام ناسف
بوم رقصت على احزاني عـ التك و عـ الدوم
حبي ايه ده اللي نص كم حبيبتي متنفعش تبقى ام
محدش بقى بيضم حكيت همي و بقوا صُم بُكم
شافوني شؤم ريحوني من الدنيا عشان دي حاجه تغُم
يا ست الكل انا مش تمام ولا زي الفل
مبروك عليكي الحب مبروك عليك الحزن يا دهول
مكملناش مبروم على مبروم ما يرُل
و انا مش بَـترول دي كانت حبيبتي بقت حبيبة الكل
بقيت لوحدي مع مزيكتي و انتي بقيتي معاهم
عرفتك على اصلك و حبي ليكي ده سوء تفاهم
كلهم قالوا متفرّقين من يوم لقاكم
بفتكرك بالخير الدين قال اذكروا محاسن موتاكم
ممتن ليك عشان خليتني اخاف من كل الناس
ممتن ليكي ياللي موتّي في قلبي الاحساس
ممتن ليكوا ياللي شربتوني احزان في كاس
ممتن لـ نفسي و مش لـ زياد ممتن للدساس
ممتن لـ مَن خلاني اصبحت بارد مش بهتم
ممتن لأني خلاص فوّقت من قبل اما اتجّن
ممتن على اوجاع بالكم و جراح ما تتلم
ممتن لـ اي جرح اتسبب في اني اقدّم فن
