كلمات اغنية مهداة إلى سعادة محمد سلطان مسفر السندوانه
ألْف لك مبروك يا نجمٍ ضوا
مع طلوع سهيل بطلوعه شريك
نلت من فوق الرتب رتبة لوا
روح بوسلطان واسم الله عليك
كرّمك شيخٍ رفيع المستوى
ونت كفو ولايضيع الظن فيك
يامحمد كلٍ وماهو نوا
وان رضا الخالق رضو خلْقه عليك
ماتغرّك المطامع والهوى
صاينٍ عهد الامانه في يديك
ولايهزّك من تراما واغْتوا
لي غواه الوقت ماخاف يغَويك
للمكارم والعلا دربك سوا
كاسب الطولات من هذي وذيك
من حوا صدق النوايا واحْتِوا
يستجِد الجد والصدق يحَميك
من ورَد مثلك على العد ارتوى
انت تفعل وهو بالمثل يعَطيك
فارس النظره على ابعد نوا
قدوة العالم على الصح يهديك
خِذ برايه واتّجه في ماهوا
وين بيوجّهك روح ولا عليك
فارسٍ اسمه على المجد الْتِوى
محمد المكتوم لي ماله شريك
كلمات اغنية وجهة اهل الهجن مسفر السندوانه