كلمات اغنية نخوة فلاح المسردي
نخوة لقبيلة حرب لعتق رقبه مترك القحطاني
يا حرب في وجيهكم من بعد وجه الله
يا لابةً ما تهمش جاهّ من جاها
يا محاربين الدول لو صفكم قله
اكابراً يتقي المضيوم باسماها
الحمل من دونكم ما نقدر نشله
يا عوننا في حمولاً ما قدرناها
والله ما حنا براضينً على الزله
لا بارك الله فينا كان نرضاها
ندري و تدرون باللي حاصلً كله
و الصدق ينفي الهروج اللي سمعناها
مفرقين القبايل ما تخاف الله
حطت على المذنب ذنوبً ما سواها
والله يا حرب لو فـ السالفه خله
او في طرفها ردا ماهي بإياها
ان نعطي السيف لسياف ونسله
ويا رقبته ان يتخالف هو وياها
يا مكبر مصابكم فـ احمد و يا جله
اللي ما فارق لسان الخلق فـ دعاها
شبلً ما به درب لناموس ما دله
ولا فيه عين يمر بها ما يملاها
يا حميّد اليوم يومك وانت كفو له
وندري انك كفوً لها قبل نتحراها
يا بشتً رقابنا تبرك تحت ضله
نطلبك بوجيهنا اللي لك رخص ماها
منك نتعلم حصول الطيب في حله
و مرجلتك اللي ما رجالً تعداها
امه على بابك و فيها مية عله
و بابك و لا لغير بابك سارت خطاها
شف جفنها الناشف اللي عفوك يبله
ما عاد في عينها دمعه من بكاها
العفو بيدك و كبد امه على مله
وما حس علبا ولدها حس علباها
الله وعد بـ أجر من يحي غريمً له
مثل اجر من كل خلق الله احياها
كلمات اغنية ساحات القتال فلاح المسردي
