كلمات اغنية نخوة لقبيلة فلاح المسردي
نخوة لقبيلة
ابتدي بسم الله المعبود علام السريره
ربنا الي قادرن ينشي من البحر السحايب
بعد ذكر الله يقول المسردي مافي ضميره
غير قدر وشكر لشيوخن يحلون الصعايب
مثل رجاح بن نافع شيخ ويمثل عشيره
ينصا ويحل بالحكمه شرابيك النشايب
نستجير بوجهه الي فالوغا يحما جويره
ونتوجه به على ابنه والولد من ظهر شايب
حنا غدينا مثل حبً فالرحاه المستديره
جارت الدنيا وشفنا ثامن السبع العجايب
ياحميد فيك بعد الله هقاوينا كبيره
ياولد رجاح بن نافع ذرا عوص النجايب
قد عطيت الاوله واليوم نطمع في الاخيره
اشتر الجنه بعفوك عنه من جزل الوهايب
والعفو من شيمت الاكرام في شبه الجزيره
والجميل يدوم لو راعيه من تحت النصايب
ياحميد ندري ان قلبك على حامي السعيره
غير عفوك منه مثل الما على صلو اللهايب
كل رجال قد اعفا جاه من ربي بصيره
اجر واحسان وجميل وكل جرح ً صار طايب
وانت ياعبدالكريم حميد يعدك شويره
وازهمك بسمك تشير بخير ياعطب الضرايب
صار ماقد صار وابن ادم مايدري وش مصيره
وبالعفو نبغيك ياعبدالكريم انت السبايب
والجمل زومان يشتال الكبيره والصغيره
ويتحملها لاجات من البعايد والقرايب
خلو السياف لايستل سيفه من جفيره
واقحطان ً في رضا حرب الدول حرب الحرايب
انتم ابناء العمومه والزمن لا دق زيره
حرب درع جنوبنا ولروسنا مثل العصايب
حرب حرب اهل الفعول المعجزه في كل ديره
واسمهم حاضر على وضح النقا ماهوب بغايب
كلمات اغنية نخوة فلاح المسردي
