كلمات اغنية هجن البشائر سلطان ال حدران 2022
من دار سلمان الحزم دار الأحرار
وجّهت ناصي محزمي ال يعربيه
ميمّمن وجهي على دار الأخيار
المسقط التاريخ ما هي نسيّه
هيثم زعيم الدار حراً وندار
الحاكم العادل ونفسه رضيّه
انا أشهد أن عمان ما والله اتجار
في ظل حكمه ما يجيها خزيّه
واسعد ابو تيمور دعاس الأخطار
ياطا عليها وتغدي جرهديّه
عضيد هيثم يتبختر ومختار
على يمينه مقدمن للمنيّه
همال مده كنها زخ الأمطار
راع اليمين الفارق الحاتميه
ابو اليتامى والأرامل ولكبار
مدات جوده مثل وبلن سخيه
خيره شمل شعبه من كبار وصغار
زوار بيته مثل عدن رويّه
يشير ما شاور ويقدح ويختار
هذا الحزام اللي يسمي بليّه
هجن البشاير تحصد رموز كثار
مشرفه لدار في كل هيّ
من اسعد و وجه السعد زاهي لشبار
يدعم ويرهي الكيس ويشري المطيه
دخل في الشوط ما هو بمرّار
مايشري الا كل سابق مديّه
هجنه في شوط السيف ماهيب تنهار
ياكم سيفاً جابته برهويه
اخر إنجازاته بسيف الملك طار
في وسط دار الحزم ما هو عطيه
العاصمه جابت له السيف بأصرار
كنها تقول السيف مني هديه
تبي السراحه فارقن وين ما سار
فارق على غيره مزيه مزيّه
ما جابت النسوان مثله ولا صار
مليون سنه قدام مافيه زيّه
كلمات اغنية هجن البشائر غناء سلطان ال حدران مكتوبة كاملة
عرضنا لكم اعلاه كلمات اغنية هجن البشائر سلطان ال حدران