كلمات اغنية واخد مليون سهم في قلبي عصام صاصا
واخد مليون سهم في قلبي
متأكد إنكو يا صحابي أيوة ماحبتونيش
بس وجودكم زي غيابكم عادي مايشغلنيش
ضحكتي بضحكها بس عشان صاحبتي
ما تملش أو تكره قعدتي
بس الحقيقة إن أنا دنيتي
سودا وخربانة
كيمو الديب
واخد مليون سهم في قلبي ومقتول من الأوجاع
والأحزان شداني لتحت وصلت لآخر القاع
جوايا حرب ونفسيتي زفت وكل دقيقة في صراع
وفي نشرة أخبار الحزن خبر جرحي بيتذاع
بتكسر جرحي معلم سايب أثر
الهم على قلبي أنا انتصر
برضى بنصيبي وأقول ده القدر مابيسميش
الآلم دغدغ في قلبي وخلاه إتفرم
والحزن صايع مش محترم
علشان ضربني قلم تلقى الام مابيسيبنيش
ضحكتي بس بتطلع لما بكون بتصور صورة
لكن أنا في الواقع ضحكتي مطفية ومكسورة
قصتي فيلم دراما والأحداث كلها مشهورة
من كتر خطورة الأحداث في مشاهد محظورة
ضحكتي بضحكها بس عشان صاحبتي
ماتملش أو تكره قعدتي
بس الحقيقة إن أنا دنيتي
سودا وخربانة
منطقي كاره الحياة حابب إني أختفي
مهزوز ومن الصدمات مكتفي
ويا نفسي نفسي في يوم تعرفي
الدنيا كرهانا
متأكد إنكو يا صحابي أيوة ماحبتونيش
بس وجودكم زي غيابكم عادي مايشغلنيش
بعد فراقكم لسة أنا أهو بتنفس يابا وبعيش
بعدكو عني ده مصدر فرحي وحاجة ماتكسرنيش
الأسى مكتوب في صفحة إزاي يتنسى
إسم الكتاب صحبة كويسة
بس الكتاب مش من المدرسة
ده كتاب من الدنيا
للأسف ضرباتكو ليه مابتصيبش الهدف
أخطائكو مش ممكن تتحذف
أنا شوفت منكو خيانة وقرف
إسلكوا لو ثانية
حبك مش بيزيد بالعكس أنا حبك جوايا مات
هبعد عنك أكتر وهزود بينا المسافات
مش عايزك في حياتي ولا صحاب ولا حتى إخوات
بلكتك من الفيس والواتس مسحت أنا كل الشات
أنانية عندك برود ومريضة نفسية
على القسم مهمومة ومؤذية
شكاكة فعلاً مش طبيعية إنتي خنقتيني
يا شيطانة ولا مرة قولتي إنك غلطانة
حبك ده كان تجريح وإهانة
كارهك ومش طايقك بأمانة
إبعدي وإنسيني
بحب الليل علشان مليان بهدوء
بسرح في التفكير في حاجات كان نفسي أنساها وأفوق
بفضل أكلم نفسي وبقولها إن أنا مخنوق
وأدعي كتير إن أنا أرتاح أو تطلع روحي لفوق
منطوي مابقتش فير إنسان مش سوي
مجروح ومن الأحزان مستوي
تفكيري سلبي بيبعد أوي
مابقتش أحب الناس
القلق سيطر عليا بقيت بتخنق
والفرح قالي لازم نفترق
قدام عينيا أنا عمري إتسرق
وبقيت عايش وخلاص
كلمات اغنية سيبك من اللي خلع عصام صاصا و محمود الليثي
