واديني اهو في حالي كلمات
بقوم م النوم وافكر امتى انام بليل
امنت بان انا ف الفرح بختي قليل
ورب الكون جايب اخري من الايام
معود نفسي ع الوحدة وبقول مواويل
واديني اهو عايش في حالي
وع الحيط برسم واداري
وقدام الناس ببان جبروت
ف غربة وايام تقيلة
وشايل ف هموم كبيرة
مصاحب دخاني لجل ما اموت
برواز معاه البوم صور على ذكريات من ماضي فات
فيه كبرت علي احزان كتير ومكفانيش حتى السكات
بزعل واتوه بين الصور ف سما وسحاب ليه مطولتهاش
انا طفل عاش جوايا مات معرفش يعمل معجزات
تعبان والحال بقي مش شغال
سواح وحال شايل ف حمول
وياليلي غريب ومفكش جمال
ليه مفكش نجوم بقي ده اسمه كلام
من فترة بقيت من اهل وبيت
لواحد مهموم وماعنده كلام
ولكني ساعات بسرح ف حاجات
مدرسة شنطة وتعليم وصحاب طاقة واحلام
بس بقيت عايش في حالي
وبوصف حالي ف اغاني
بقدف وسط البحور عوام
كبرت وشابت ملامحي
ياما غلطت ي امي سامحي
قادر ربي يعيني ع الايام
بصحي وبفوق علي صوت وجع
يكسر ضلوع قلبي الحزين
ف مرايتي شايف حد غيري
وضحته بتنزف انين
دخاني لو بيبان كتير
ده عشان يسكن خوف ووحدة
ولو هنرجع ب الزمن
ازاي هنمسح خوف سنين
واديني اهو عايش في حالي
وع الحيط برسم واداري
وقدام الناس ببان جبروت
ف غربة وايام تقيلة
وشايل ف هموم كبيره
مصاحب دخاني لجل ما اموت